बांद्याच्या प्रसिद्ध ‘नवसाला पावणारा गणपती’ मंडळाची नवीन कार्यकारिणी घोषित; भाजप पदाधिकाऱ्यांची उपस्थिती
सावंतवाडी,दि.२८: बांदा येथील ऐतिहासिक आणि सांस्कृतिक वारसा लाभलेल्या ‘बांद्याचा बाप्पा’ म्हणजेच सार्वजनिक गणेशोत्सव विठ्ठल मंदिर गांधी चौक मंडळाच्या उपाध्यक्षपदाची धुरा निलेश उर्फ पप्पू कदम यांच्याकडे सोपवण्यात आली आहे. नुकत्याच झालेल्या बैठकीत त्यांची ही निवड सर्वानुमते करण्यात आली.
या निवडीचे औचित्य साधून सावंतवाडी पंचायत समितीचे उपसभापती गौरव मुळीक यांनी नवनिर्वाचित उपाध्यक्ष निलेश कदम यांचा सत्कार केला. बांदा शहराच्या सांस्कृतिक आणि धार्मिक कार्यात या मंडळाचे मोठे योगदान असून निलेश कदम यांच्या नेतृत्वाखाली मंडळाचे कार्य अधिक जोमाने पुढे जाईल, असा विश्वास यावेळी मान्यवरांनी व्यक्त केला.
यावेळी भाजप बांदा शहर अध्यक्ष निलेश नाटेकर, माजी उपसभापती शीतल राऊळ, महिला जिल्हाध्यक्ष सौ. श्वेता कोरगावकर, युवा नेते निलेश देसाई यांच्यासह अनेक प्रमुख कार्यकर्ते उपस्थित होते.
