शिवसेना जिल्हाप्रमुख संजू परब यांच्या हस्ते कामाचा शुभारंभ; ग्रामस्थांमध्ये आनंदाचे वातावरण
सावंतवाडी,दि.०२: शेर्ले येथील तेरेखोल नदीच्या पात्राजवळ बहुप्रतिक्षित गणेश घाट बांधण्याच्या कामाचा नुकताच श्रीगणेशा करण्यात आला. शिवसेना सिंधुदुर्ग जिल्हाप्रमुख सच्चिदानंद उर्फ संजू परब यांच्या हस्ते या विकासकामाचे भूमिपूजन अत्यंत उत्साही वातावरणात पार पडले.
गेल्या अनेक काळापासून या भागात सुसज्ज घाटाची आवश्यकता व्यक्त केली जात होती, ती आता या कामामुळे पूर्ण होणार आहे.
या मंगलप्रसंगी संजू परब यांच्यासोबत शेर्ले पंचायत समिती सदस्य महेश धुरी, सरपंच सौ. प्रांजल जाधव, माजी सरपंच उदय धुरी, माजी सरपंच दयानंद धुरी आणि उपसरपंच दीपक नाईक यांची प्रमुख उपस्थिती होती. या विकासकामामुळे गणेशोत्सवाच्या काळात विसर्जनासाठी येणाऱ्या भाविकांची आणि ग्रामस्थांची मोठी सोय होणार असून, परिसराच्या सुशोभीकरणालाही यामुळे चालना मिळणार आहे.
या कार्यक्रमाला ग्रामपंचायत सदस्य श्रावणी धुरी, वासुदेव धुरी, गुरु सावंत यांच्यासह युवासेना तालुकाप्रमुख रियाज खान, मागासवर्गीय सेल युवा तालुका प्रमुख प्रशांत जाधव, सागर धुरी, नितीन जोशी, बाळा धुरी, विनोद सावंत आणि शेर्ले गावातील बहुसंख्य ग्रामस्थ उपस्थित होते. लोकप्रतिनिधी आणि प्रशासन यांच्या समन्वयाने सुरू होत असलेल्या या कामाबद्दल स्थानिक रहिवाशांनी समाधान व्यक्त केले आहे.
