जिल्हा कमिटीच्या उपस्थितीत भटवाडी येथील धनश्री मंगल कार्यालयात सभेचे आयोजन; सर्व वारकरी बांधवांना उपस्थित राहण्याचे अध्यक्षांचे आवाहन
सावंतवाडी,दि.१४: सावंतवाडी तालुका वारकरी संप्रदाय मंडळ (नोंदणी क्र. १०१/२०२६) यांच्या वतीने आगामी कामकाजाची रूपरेषा ठरविण्यासाठी विशेष सभेचे आयोजन करण्यात आले आहे. ही सभा येत्या रविवारी, १६ ऑगस्ट २०२६ रोजी दुपारी ठीक १:०० वाजता भटवाडी, सावंतवाडी येथील धनश्री मंगल कार्यालयात पार पडणार आहे. उपरालकर देवस्थाना समोरील रस्त्याने या मंगल कार्यालयाकडे जाण्याचा मार्ग असून, तालुक्यातील सर्व वारकरी आणि ज्ञाती बांधवांना या सभेची माहिती मिळावी या उद्देशाने या बैठकीचे आयोजन करण्यात आले आहे.
या विशेष सभेचे मुख्य आकर्षण म्हणजे जिल्हा वारकरी संप्रदाय मंडळाचा पंढरपूर या ठिकाणी भव्य ‘वारकरी भक्त निवास’ उभारण्याचा मानस असून, त्यासंदर्भातील पुढील धोरण आणि नियोजनावर सविस्तर चर्चा केली जाणार आहे. या महत्त्वाच्या विषयावर मार्गदर्शन करण्यासाठी आणि बैठकीत सहभाग घेण्यासाठी जिल्हा कमिटीचे वरिष्ठ पदाधिकारी विशेष रूपाने उपस्थित राहणार आहेत.
नवनिर्मित मंडळाची ही पहिलीच विशेष सभा असल्याने तालुक्यातील सर्व वारकरी बांधवांनी आणि ज्ञाती बंधूंनी वेळेवर व मोठ्या संख्येने उपस्थित राहून सभेचे कामकाज यशस्वी करावे, असे नम्र आवाहन सावंतवाडी तालुका वारकरी मंडळाचे अध्यक्ष सिताराम सावंत यांनी केले आहे.
