विद्यार्थ्यांनी शिवरायासह मावळ्यांनाही रांगोळीतून केला मानाचा मुजरा..
सावंतवाडी,दि.१९: एज्युकेशन सोसायटी संचलित कळसुलकर इंग्लिश स्कूल व आय. बी सय्यद कनिष्ठ महाविद्यालय सावंतवाडी या
प्रशालेत शिवजयंती निमित्त शिवरायांच्या मूर्तीला आणि प्रतिमेला पुष्पहार अर्पण करून अभिवादन केले . शिवचरित्र व कार्यावर आधारित विद्यार्थ्यानी भाषणे ,शिवगर्जना पोवाडा, वेशभूषा, कविता, नृत्य , नाटिका सादर केले.कु. चिन्मय कोटणीस यांने लेखन व दिग्दर्शन केलेले आगऱ्याहून सुटका अर्थात ‘गरुडझेप’ हे नाटक अधिक लक्षवेधी ठरले . यानिमित्ताने प्रशालेच्या सभागृहात ४ फूट बाय ३५ फूट अशी भव्य आकाराची रांगोळी साकारण्यात आली .
छत्रपतीचा मान हाच आमचा स्वाभिमान याच ब्रीदाशी एकनिष्ट राहत व आपल्या प्राणांची आहुती देणारे मावळ्याच्या सहकार्याने छत्रपती शिवाजी महाराज यांनी स्वराज्य प्रस्थापित केले आणि शिवप्रताप एक इतिहास झाला या संकल्पनेतून कलाशिक्षक श्री केदार टेमकर यांच्या सह विद्यार्थ्यानी शिवाजी महाराज व १४ मावळे यांची सुरेख भव्य अशी व्यक्तिचित्र रांगोळी
साकारली . या रांगोळी साठी तब्बल १६ तासाचा कालावधी लागला . या सभागृहातील रांगोळीचे प्रदर्शन दिनांक २८ फेब्रुवारी पर्यत खुले राहणार आहे . या कार्यक्रमासाठी शाळेचे प्राचार्य सूर्यकांत भुरे,सर्व शिक्षक शिक्षकेतर वृंद सांस्कृतिक
विभागातील अनिल ठाकूर तसेच संस्था पदाधिकारी वर्ग, माजी विद्यार्थी व हितचिंतक, यांनी शुभेच्छा दिल्या .
या कार्यक्रमाचे सूत्रसंचालन व आभार प्रदर्शन सांस्कृतिक विभाग प्रमुख प्रसाद कोलगांवकर यांनी केले.
