सावंतवाडी,दि.२०: वाढत्या महागाईच्या काळात सर्वसामान्य ग्राहकांना दिलासा देण्याच्या उद्देशाने सावंतवाडी येथील गांधी चौक परिसरातील आदित्य बिझनेस सेंटर बिल्डिंगमध्ये नव्याने सुरू करण्यात आलेल्या ‘स्वामी समर्थ बजेट बाझार 99’ या दालनाचे नुकतेच अत्यंत उत्साही वातावरणात शानदार उद्घाटन करण्यात आले. या भव्य दालनाचे उद्घाटन सत्यार्थ न्यूज चॅनलचे संपादक रुपेश पाटील आणि ब्रेकिंग मालवणचे संपादक अमोल टेंबकर यांच्या हस्ते फित कापून करण्यात आले. या प्रसंगी कोकण दर्शनचे आनंद धोंड व सकाळचे पत्रकार निलेश मोरजकर,यांची प्रमुख उपस्थिती लाभली होती.
“उद्दिष्ट एकच, ग्राहकांची मोठी बचत” या ध्येयाने हे दालन ग्राहकांच्या सेवेत दाखल झाले आहे. या बजेट बाझारचे मुख्य वैशिष्ट्य म्हणजे येथे मिळणाऱ्या विविध उच्च दर्जाच्या वस्तू ग्राहकांसाठी थेट ऑनलाइनपेक्षाही स्वस्त दरात उपलब्ध करून देण्यात आल्या आहेत. एकाच छताखाली ग्राहकांना होम अप्लायन्सेस (घरगुती उपयोगी वस्तू), फूटवेअर (चप्पल व शूज), भेटवस्तू, सौंदर्य प्रसाधने, मोबाईल ॲक्सेसरीज, दरवाजाचे पडदे (डोअर कर्टन्स), पायपुसणी (डोअर मॅट), साडी कव्हर, वही-पेन व इतर लेखन साहित्य (स्टेशनरी), तागाच्या पिशव्या (ज्यूट बॅग्स), पाकिटे (वॉलेट्स) यांसह रोजच्या वापराच्या असंख्य वस्तू अतिशय वाजवी दरात खरेदी करता येणार आहेत.
या नवीन दालनाच्या प्रो. प्रा. अंकिता अर्जुन परब यांनी सावंतवाडी व परिसरातील सर्व नागरिकांनी या बजेट बाझारला आवर्जून भेट देऊन दर्जेदार खरेदीचा आणि बचतीचा लाभ घ्यावा, असे आवाहन केले आहे. या उद्घाटन सोहळ्याला जयसिंग देसाई, चंद्रकांत परब, विनय देसाई, अपर्णा परब, सरिता देसाई, आशिष धोंड यांच्यासह स्थानिक नागरिक आणि ग्राहक मोठ्या संख्येने उपस्थित होते.
