भाजप प्रदेशाध्यक्षांचा आदर्श घेत उपनगराध्यक्ष ॲड. अनिल निरवडेकर यांनी घेतल्या सावंतवाडीतील दोन जिल्हा परिषद शाळा दत्तक

🟥जि. प. शाळा नंबर ४ व ५ चा कायापालट करणार; गुणगौरव सोहळ्यात उपनगराध्यक्षांची मोठी घोषणा

🎥 कोकण दर्शन डिजिटल मीडिया 🖥️
🌴 कोकण एक स्वप्ननगरी 🌴

सावंतवाडी,दि.०८: भाजप प्रदेशाध्यक्ष रवींद्र चव्हाण यांचा आदर्श घेऊन सावंतवाडीतील जिल्हा परिषद शाळा नंबर ४ आणि शाळा नंबर ५ या दोन शाळा आपण दत्तक घेत असल्याची महत्त्वपूर्ण घोषणा सावंतवाडीचे उपनगराध्यक्ष ॲड. अनिल निरवडेकर यांनी केली आहे. माझंही शिक्षण जिल्हा परिषद शाळेतच झालं असून आज या शाळेच्या मुलांनी मिळवलेलं यश अत्यंत कौतुकास्पद आहे आणि शिक्षकांच्या मेहनतीला दाद द्यावी तेवढी थोडीच आहे, असे गौरवोद्गार त्यांनी काढले. ते जिल्हा परिषद पूर्व प्राथमिक शाळा सावंतवाडी नंबर ४ येथे आयोजित करण्यात आलेल्या गुणगौरव सोहळ्यात बोलत होते. उपनगराध्यक्ष ॲड. अनिल निरवडेकर यांच्या माध्यमातून नुकत्याच झालेल्या शिष्यवृत्ती परीक्षेत घवघवीत यश संपादन केलेल्या प्रशालेतील गुणवंत मुलांचा गौरव यावेळी करण्यात आला. विद्यार्थ्यांना पुढील शिक्षणासाठी प्रोत्साहन मिळावे या उद्देशाने ॲड. निरवडेकर यांच्या संकल्पनेतून हा उपक्रम राबविण्यात आला असून सावंतवाडी पंचायत समिती उपसभापती गौरव मुळीक, उपनगराध्यक्ष ॲड. अनिल निरवडेकर व इतर मान्यवरांच्या हस्ते यशस्वी विद्यार्थ्यांना सन्मानचिन्ह आणि बक्षिसे देऊन गौरविण्यात आले. याच कार्यक्रमाचे औचित्य साधून शाळेचे मुख्याध्यापक महेश पालव यांचा वाढदिवस देखील सर्व विद्यार्थी आणि शिक्षकांच्या उपस्थितीत मोठ्या उत्साहात साजरा करण्यात आला.

याप्रसंगी सावंतवाडी पंचायत समितीचे उपसभापती गौरव मुळीक यांनी आपले मनोगत व्यक्त करताना सांगितले की, आम्ही सर्व कार्यकर्ते भाजप प्रदेशाध्यक्ष रवींद्र चव्हाण यांचे अनुकरण करणारे आहोत, त्यामुळे तालुक्यातील जिल्हा परिषद शाळांना कोणत्याही सोयी-सुविधांची कमी पडू दिली जाणार नाही. तसेच शाळेत रिक्त असलेल्या पदांवर लवकरात लवकर चांगले शिक्षक उपलब्ध करून दिले जातील असा शब्द त्यांनी दिला, तसेच शाळेला आणखी एक शिक्षक मिळावा या मुख्याध्यापकांच्या मागणीला उपसभापती मुळीक यांनी सकारात्मक प्रतिसाद दिला. या कार्यक्रमादरम्यान सावंतवाडी नगरसेवक ॲड. सिद्धार्थ भांबुरे, पत्रकार हरिश्चंद्र पवार, विनायक गावस, छावा संघटना सावंतवाडीचे अध्यक्ष संतोष तळवणेकर आदींनीही आपल्या मनोगतातून विद्यार्थ्यांचे कौतुक करत त्यांना भावी वाटचालीस शुभेच्छा दिल्या.

या सोहळ्याला मुख्याध्यापक महेश पालव, साईनाथ जामदार, शेलेस्तीन फर्नांडिस, शिवा गावडे, ज्ञानेश्वर पारधी, शिक्षिका सौ. पूजा शिंदे, सौ. अनघा निरवडेकर, सौ. लक्ष्मी धारगळकर, सौ. अंजना घाडी, सौ. प्रणिती सावंत, सौ. दक्षता गवस, सौ. वर्षा नाईक, सौ. शिल्पा जाधव तसेच अंगणवाडी सेविका सरिता भिसे यांच्यासह शाळा व्यवस्थापन समितीचे पदाधिकारी, शिक्षक, पालक आणि विद्यार्थी मोठ्या संख्येने उपस्थित होते.

…………………………………………………………

——————————————————

🎯 तुमच्या व्यवसायाची जाहिरात करा लाखो लोकांपर्यंत!

वाढदिवस, राजकीय, शैक्षणिक आणि व्यावसायिक जाहिराती अत्यंत माफक दरात प्रसिद्ध केल्या जातील.

📱 जाहिरातीसाठी आजच संपर्क करा:
📞 9423958828
📞 9067741774

───────────────────────
🌐 आमच्या डिजिटल प्लॅटफॉर्म्सना नक्की भेट द्या:

🎬 युटयूब चॅनल (ताज्या घडामोडींसाठी सबस्क्राईब करा): 👇🏻
👉 https://youtube.com/@kokandarshandigitalmedia1808

🌐 अधिकृत वेबसाईट (वाचा सविस्तर वृत्त): 👇🏻
👉 https://kokandarshan.com

📸 इंस्टाग्राम (फॉलो करा न्यू अपडेट्स): 👇🏻
👉 https://www.instagram.com/kokandarshandigitalmedia?igsh=OWQ4ZXpobXFyM3Zo

🌴 कोकण दर्शन – कोकणची विश्वसनीय लोकवाहिनी! 🌴

——————————————————-