मावळत्या वर्षात ३३ उपक्रम पूर्ण; आगामी वर्षात वाचन संस्कृती आणि स्पर्धा परीक्षा मार्गदर्शनावर भर
सावंतवाडी, दि.०२: रोटरी क्लब सावंतवाडीच्या सन २०२६-२७ या नूतन वर्षाकरिता अध्यक्षपदी रो. प्रवीण परब, सेक्रेटरी (सचिव) पदी रो. सुहास सातोसकर आणि खजिनदारपदी रो. प्रदीप शेवडे यांची एकमताने निवड करण्यात आली आहे. या नवनियुक्त कार्यकारिणीचा अधिकृत पदग्रहण सोहळा येत्या सोमवारी, ६ जुलै रोजी मळगाव येथील भगवती हॉल येथे उत्साहात संपन्न होणार असल्याची माहिती रोटरीचे मावळते अध्यक्ष रो. ॲड. सिद्धार्थ भांबुरे यांनी पत्रकार परिषदेत दिली.
या पत्रकार परिषदेत बोलताना मावळते अध्यक्ष रो. भांबुरे यांनी आपल्या कार्यकाळाचा आढावा घेतला. ते म्हणाले की, रोटरी क्लबच्या माध्यमातून मागील वर्षभरात अत्यंत प्रभावीपणे ३३ विविध सामाजिक उपक्रम राबविण्यात आले. यामध्ये प्रामुख्याने रक्तदान शिबीर, वृक्षारोपण, आरोग्य शिबीर तसेच विद्यार्थ्यांच्या कलागुणांना वाव देणारे विविध उपक्रम समाविष्ट होते. हे सर्व उपक्रम यशस्वी करण्यासाठी रोट्रॅक्ट क्लब सावंतवाडी आणि इनरव्हील क्लब सावंतवाडी यांचे मोलाचे सहकार्य लाभल्याचे त्यांनी आवर्जून नमूद केले.
दरम्यान, नवनिर्वाचित अध्यक्ष रो. प्रवीण परब यांनी आपल्या आगामी संकल्पनांविषयी माहिती दिली. रोटरी क्लब सावंतवाडीने १ जुलैपासून आपल्या नव्या कार्यकाळाची धुरा सांभाळली असून हा कार्यकाळ ३० जून २०२७ पर्यंत असेल. सिंधुदुर्ग जिल्ह्यात गेली ५४ वर्षे सातत्याने कार्यरत असलेल्या या क्लबच्या माध्यमातून समाजातील शेवटच्या वंचित आणि उपेक्षित घटकांपर्यंत पोहोचून काम करण्याचा मानस त्यांनी व्यक्त केला. आगामी वर्षात समाजात वाचन संस्कृती वाढविणे आणि तरुणांसाठी स्पर्धा परीक्षा मार्गदर्शन केंद्र व सामाजिक उपक्रम राबविण्यावर विशेष भर दिला जाणार आहे. याचाच एक भाग म्हणून सावंतवाडी आणि दोडामार्ग भागात ज्येष्ठ सनदी अधिकारी विश्वास नांगरे पाटील यांच्यासारख्या व्याख्यात्यांचे व्याख्यान आयोजित करण्याचा मानस असल्याचे परब यांनी सांगितले.
या पत्रकार परिषदेला रोटरी क्लबचे माजी अध्यक्ष ॲड. सिद्धार्थ भांबुरे, नूतन सचिव रो. सुहास सातोसकर, खजिनदार रो. प्रदीप शेवडे यांच्यासह रो. अनंत उचगावकर, रो. सत्यजित धारणकर, रो. सुधीर नाईक, रो. ॲड. जायबा धुरी आणि रो. आबा कशाळीकर आदी रोटरी क्लब सावंतवाडीचे प्रमुख पदाधिकारी उपस्थित होते.
runfunc: 0; algolist: 0;
multi-frame: 1;
brp_mask:0;
brp_del_th:null;
brp_del_sen:null;
motionR: 0;
delta:null;
module: video;hw-remosaic: false;touch: (-1.0, -1.0);sceneMode: null;cct_value: 0;AI_Scene: (-1, -1);aec_lux: 233.0;aec_lux_index: 0;albedo: ;confidence: ;motionLevel: 0;weatherinfo: weather?null, icon:null, weatherInfo:100;temperature: 45;
