जिल्ह्याच्या विकासासाठी आणि तरुणांच्या रोजगारासाठी एकत्र येऊया ; पालकमंत्री नितेश राणे यांचे आवाहन

सावंतवाडी तालुका पत्रकार संघाचा पुरस्कार वितरण व गुणगौरव सोहळा उत्साहात

सावंतवाडी,दि.३०: “सावंतवाडी तालुका पत्रकार संघाला पत्रकारितेच्या क्षेत्रात एक वेगळे महत्त्व आहे. जिल्हा पत्रकार संघाचा पाया रचणारे माजी आमदार जयानंद मठकर आणि जिल्हा पत्रकार भवनाची मुहूर्तमेढ रोवणारे ज्येष्ठ पत्रकार गजानन नाईक हे याच मातीतील आहेत. त्यामुळे पत्रकारांना चुकीच्या गोष्टींचे कान टोचण्याचा अधिकार असून त्यांच्या टीकेतूनच आम्ही मार्गदर्शनाचा बोध घेतो. जिल्ह्याचा कायापालट करण्यासाठी आणि इथल्या तरुणांना रोजगारासाठी मुंबई, पुणे किंवा गोव्याला जाण्यापासून रोखण्यासाठी आपण सर्वांनी विकासाच्या प्रक्रियेत एकत्र येणे गरजेचे आहे,” असे प्रतिपादन राज्याचे मत्स्य व्यवसाय व बंदरे विकास मंत्री तथा सिंधुदुर्गचे पालकमंत्री ना‌‌. नितेश राणे यांनी केले. सिंधुदुर्ग जिल्हा पत्रकार संघ संलग्न सावंतवाडी तालुका पत्रकार संघातर्फे आयोजित पत्रकार पुरस्कार वितरण सोहळा आणि पत्रकारांच्या गुणवंत पाल्यांचा गौरव समारंभ येथील शिल्पग्राम सभागृहात आयोजित करण्यात आला होता. यावेळी ते प्रमुख पाहुणे म्हणून बोलत होते.

ते पुढे म्हणाले, गेल्या काही वर्षांत सिंधुदुर्ग जिल्ह्याचा झपाट्याने कायापालट होत असून लाल मातीच्या रस्त्यांपासून आपण काँक्रीटच्या रस्त्यांपर्यंत मजल मारली आहे. सावंतवाडी मतदारसंघात तर चिपी आणि मोपा विमानतळामुळे मोठी गुंतवणूक येत आहे. मात्र, आजही मतदानासाठी गोव्याच्या मुख्यमंत्र्यांना येथील मतदारांसाठी सुट्टी जाहीर करण्याचे आवाहन करावे लागते, ही परिस्थिती आपल्याला बदलायची आहे. १० वी आणि १२ वीत यश मिळवणारा आपला विद्यार्थी रोजगारासाठी बाहेर का जातो ? याचा गांभीर्याने विचार करण्याची वेळ आली आहे. ‘सी- वर्ल्ड’ सारखे प्रकल्प मार्गी लागले असते, तर आज जिल्ह्यातील १० टक्के तरुणांना गोव्याला जावे लागले नसते. वैयक्तिक विरोधापायी जिल्ह्याच्या विकासाला ब्रेक लावणे चुकीचे आहे. त्यामुळे जिल्ह्याचा विकास खुंटत आहे‌. जिल्ह्यातील अशा चांगल्या प्रकल्पांबाबत पत्रकारांनी सकारात्मक भूमिका घ्यावी असे आवाहनही त्यांनी यावेळी केले.

अवैध धंद्यांविरोधात पत्रकारांची भूमिका कौतुकास्पद !

जिल्ह्यातील युवा पिढीच्या भविष्यासाठी अवैध धंद्याघ्या विरोधात आपण कणखर भूमिका घेतली. या भूमिकेला सावंतवाडी तालुक्यातील पत्रकारांनी दिलेला पाठिंबा कौतुकास्पद आहे. आम्ही विकासाच्या बाबतीत व पत्रकार संघाच्या कार्यासाठी नेहमीच तत्पर असून आपला सदैव पाठींबा राहील, अशी ग्वाही देखील त्यांनी यावेळी दिली. यावेळी व्यासपीठावर जिल्हा परिषद अध्यक्ष प्रमोद कामत, जिल्हा बँक अध्यक्ष मनीष दळवी, सावंतवाडीच्या नगराध्यक्षा श्रद्धा सावंत – भोंसले, लखमराजे भोंसले, जिल्हा परिषद आरोग्य सभापती प्रितेश राऊळ, पंचायत समिती सभापती सुस्मिता जाधव, जिल्हा परिषद सदस्य विक्रांत सावंत, जिल्हा पत्रकार संघाचे अध्यक्ष उमेश तोरसकर, जिल्हा माहिती अधिकारी मुकुंद चिलवंत, तालुका पत्रकार संघाचे अध्यक्ष सचिन रेडकर आदी उपस्थित होते.

पत्रकारांना पुरस्कार प्रदान व पाल्यांचा गुणगौरव!

या सोहळ्यात पालकमंत्री ना. नितेश राणे व मान्यवरांच्या हस्ते पत्रकार रुपेश हिराप यांना वैनतेयकार मे. द. शिरोडकर आदर्श पत्रकार पुरस्कार, सौ. मंगल नाईक-जोशी यांना माजी आमदार तथा ज्येष्ठ पत्रकार जयानंद मठकर आदर्श पत्रकार पुरस्कार, भगवान शेलटे यांना कै. हरिश्चंद्र वाडीकर आदर्श समाजसेवक पुरस्कार, जेष्ठ पत्रकार अभय पंडीत यांना कै. पांडुरंग स्वार स्मृती जीवनगौरव पुरस्कार तर संतोष परब यांना स्व. त्रि. अ. उर्फ बाप्पा धारणकर अष्टपैलू स्मृती पुरस्कार व कणकवली येथील छायाचित्रकार हेमंत काळसेकर यांना ज्येष्ठ पत्रकार तथा छायाचित्रकार कै. मुरलीधर तथा बंडोपंत भिसे स्मृती पुरस्कार प्रदान करण्यात आला.
तसेच विशेष प्राविण्यप्राप्त पत्रकार आणि पत्रकारांच्या पाल्यांचा गुणगौरव देखील यावेळी करण्यात आला. यामध्ये
अवनिश अभिमन्यू लोंढे,
आस्था लोंढे, सिद्धाई अजित दळवी,
स्वरांगी शिवप्रसाद देसाई,
मनस्वी प्रवीण मांजरेकर,
दिया दिगंबर वायंगणकर,
श्रावणी विजय देसाई,
अस्मी प्रवीण मांजरेकर,
याचना महादेव सावंत,
नैतिक नीलेश मोरजकर यांचा त्यांच्या पालकांसह गुणगौरव करण्यात आला.
तर एम.ए, एम.फिल, लायब्ररी सायन्स विषयात पीएचडी प्राप्त डॉ.भक्ती राजन तावडे – गांवस,
सेट परीक्षेत यश प्राप्त केलेल्या
मिहीर राजेश मोंडकर, रोट्रॅक्ट क्लबच्या अध्यक्षपदी निवड झाल्याबद्दल पत्रकार
सिद्धेश दिनेश सावंत, मळेवाड विभागातून पंचायत समिती सदस्यपदी निवडून आल्याबद्दल महिला पत्रकार धनश्री हेमंत मराठे तसेच जिल्हा कार्यकारणी सदस्यपदी निवड झाल्याबद्दल ज्येष्ठ छायाचित्रकार अनिल भिसे यांनाही पालकमंत्र्यांच्या हस्ते सन्मानित करण्यात आले.
तर सावंतवाडी तालुका पत्रकार संघाच्या वतीने अध्यक्ष सचिन रेडकर यांच्या हस्ते पालकमंत्री नितेश राणे यांचा विशेष सन्मान करण्यात आला. या कार्यक्रमाचे औचित्य साधून सावंतवाडी सहकारी पतपेढीकडून ज्येष्ठ पत्रकार रमेश बोंद्रे यांच्या संकल्पनेतून आद्यपत्रकार बाळशास्त्री जांभेकर यांच्या तैलचित्राचे अनावरण पालकमंत्र्यांच्या हस्ते करण्यात आले.
कार्यक्रमाचे प्रास्ताविक सचिन रेडकर यांनी केले. सूत्रसंचालन मितल धुरी तर आभार विजय राऊत यांनी मानले. यावेळी माजी सभापती अशोक दळवी, माजी उपसभापती विनायक दळवी, माजगांव सरपंच रंजना कानसे, न.प. सभापती सुधीर आडिवरेकर, प्रतिक बांदेकर, पुरस्कार निवड समिती सदस्य तथा कोमसाप तालुकाध्यक्ष दीपक पटेकर, जेष्ठ पत्रकार शिवप्रसाद देसाई, माजी न.प. सभापती उदय नाईक, पंचायत समिती सदस्या धनश्री मराठे, मनसे जिल्हाध्यक्ष ॲड. अनिल केसरकर, पदाधिकारी मिलींद सावंत, राजू कासकर, संतोष तळवणेकर, संतोष गांवस, विकास नाईक, मधुकर देसाई, जेष्ठ पत्रकार अण्णा केसरकर, अभिमन्यू लोंढे, राजेश मोंडकर, सिताराम गावडे, राजू तावडे, यांसह जिल्हा पत्रकार संघाचे उपाध्यक्ष संतोष राऊळ, खजिनदार संतोष सावंत, जिल्हा कार्यकारिणी सदस्य अनिल भिसे, डिजिटल मीडिया जिल्हाध्यक्ष अमोल टेंबकर, तालुका उपाध्यक्ष हेमंत मराठे, मोहन जाधव, हर्षवर्धन धारणकर, दिव्या वायंगणकर, सचिव विजय राऊत, सहसचिव विनायक गांवस, खजिनदार रामचंद्र कुडाळकर, कार्यकारिणी सदस्य रमेश बोंद्रे, मंगल कामत, संतोष परब, दीपक गावकर, निलेश परब, अनुजा कुडतरकर, भूषण आरोसकर, माजी तालुकाध्यक्ष विजय देसाई, हरिश्चंद्र पवार, पत्रकार काका भिसे, उमेश सावंत, मयूर चराटकर, निलेश मोरजकर, रूपेश हिराप, मंगल नाईक जोशी, नरेंद्र देशपांडे, लुमा जाधव, हेमंत खानोलकर, निखील माळकर, भुवन नाईक, सिद्धेश सावंत, प्रणव तारी, साईल दहीबावकर, नाना धोंड, पराग मडकईकर, सिद्धेश पुरलकर, मयुरेश राऊळ यांसह विविध क्षेत्रातील मान्यवर व पत्रकार उपस्थित होते.