निलेश सांबरे यांच्या संकल्पनेतून उपक्रम; ‘राष्ट्रीय छावा संघटना’ व ‘जिजाऊ’च्या पदाधिकाऱ्यांची मोठी उपस्थिती
राजापूर,दि.२५: जिजाऊ शैक्षणिक व सामाजिक संस्था, महाराष्ट्रचे संस्थापक अध्यक्ष निलेश सांबरे यांच्या वतीने पांगरी पुनर्वसन नंबर दोन, पाचल येथे गरजू विद्यार्थ्यांना शैक्षणिक साहित्याचे वाटप करण्यात आले. ग्रामीण भागातील विद्यार्थ्यांना शिक्षणासाठी प्रोत्साहन मिळावे आणि त्यांच्या प्रगतीला हातभार लागावा या उदात्त हेतूने या सामाजिक उपक्रमाचे आयोजन करण्यात आले होते.
या साहित्य वाटप कार्यक्रमाप्रसंगी जिजाऊ संघटनेचे शिवगण प्रामुख्याने उपस्थित होते. तसेच राष्ट्रीय छावा संघटना महाराष्ट्र, रत्नागिरी जिल्हा अध्यक्ष संतोष सखाराम धावडे आणि तालुका अध्यक्ष राज दादा मांडवकर यांनीही या कार्यक्रमाला विशेष उपस्थिती लावली होती. या दोन्ही संघटनांच्या संयुक्त विद्यमाने आणि पदाधिकाऱ्यांच्या उपस्थितीत हा कार्यक्रम अत्यंत उत्साहात पार पडला.
कार्यक्रमाच्या यशस्वीतेसाठी दोन्ही संघटनांच्या अनेक प्रमुख कार्यकर्त्यांनी व पदाधिकाऱ्यांनी परिश्रम घेतले. यामध्ये विलास गुरव, संकेत गुरव, स्वप्निल गुरव, अजय बंदोले, प्रथम खावडकर, सुशील बावकर, अशोक तळेकर, राजेश तळेकर, योगेश मांडवकर आणि अभिजीत धावडे यांचा सक्रिय सहभाग होता.
या कार्यक्रमाचे विशेष वैशिष्ट्य म्हणजे महिला पदाधिकाऱ्यांची लाभलेली मोठी उपस्थिती. यामध्ये संचिता पाटकर, अर्चना मांडवकर, सिद्धी पाटकर, अश्विनी पाटकर, वैभवी पाटकर, निशा ठीक, मयुरी पाटकर आणि दीपाली पाटकर यांच्यासह इतर अनेक महिला कार्यकर्त्यांनी उपस्थित राहून विद्यार्थ्यांचा उत्साह वाढवला. जिजाऊ संस्थेच्या या कौतुकास्पद उपक्रमाबद्दल पांगरी पुनर्वसन परिसरातील ग्रामस्थ, शिक्षक आणि पालकांकडून अध्यक्ष निलेश सांबरे व त्यांच्या सर्व सहकाऱ्यांचे विशेष आभार मानण्यात आले.
