निवडणुकीच्या तोंडावर भाजपमध्ये इनकमिंग सुरूच…

आमदार नितेश राणे यांच्या उपस्थितीत खारेपाटन सरपंच आणि कार्यकर्त्यांनी घेतला भाजपचा झेंडा हाती.

कणकवली, दि.२१ : आगामी होऊ घातलेल्या निवडणुकीच्या पार्श्वभूमीवर आणि भाजपा आमदार नितेश राणे यांच्या कार्यकर्तृत्वावर विश्वास ठेवून खारेपाटण येथील अपक्ष सरपंच रमाकांत राऊत यांनी भाजपचा झेंडा हाती घेतला आहे. सिंधुदुर्गात भाजपा पक्षामध्ये कार्यकर्त्यांचे इनकमिंग सुरूच आहे.

खारेपाटण अपक्ष सरपंच रमाकांत राऊत यांच्यासह विजय सावंत, प्रकाश आडविलकर, राकेश राऊत यांनी भाजप पक्षामध्ये प्रवेश केला. आम. नितेश राणेंनी त्यांचे स्वागत केले व त्यांना पुढील विकास कामांसाठी आपण सदैव सोबत असल्याची ग्वाही दिली.