मंत्री अब्दुल सत्तार यांच्या वक्तव्यामुळे सावंतवाडीतील राष्ट्रवादी कार्यकर्ते आक्रमक..

सावंतवाडी पोलीस निरीक्षक फुलचंद मेंगडे यांना सत्तार यांच्यावर कारवाईबाबत राष्ट्रवादीकडून निवेदन..

सावंतवाडी, दि.०८ : मंत्री अब्दुल सत्तार यांनी खासदार सुप्रिया सुळे यांच्यावर असभ्य भाषेत टीका केली होती. ही टीका अवमानकारक असल्याने मंत्री सत्तार यांची मंत्रिमंडळातून हकालपट्टी करावी अशी मागणी सावंतवाडी राष्ट्रवादी पक्षाकडून करण्यात येत आहे. याबाबतचे निवेदन सावंतवाडी पोलीस निरीक्षक फुलचंद मेंगडे यांच्याकडे देण्यात आले आहे.
यावेळी माजी राज्यमंत्री प्रवीण भोसले, तालुकाध्यक्ष पुंडलिक दळवी, जिल्हा कार्याध्यक्ष उद्योग व्यापार हिदाय तुल्ला खान, शहराध्यक्ष देवेंद्र टेमकर, महिला शहराध्यक्ष सायली दुभाषी महिला जिल्हाध्यक्ष उद्योग व्यापार सौ दर्शना बाबर देसाई युवती जिल्हाध्यक्ष सावली पाटकर तालुका उपाध्यक्ष बावतीस फर्नांडिस, काशिनाथ दुभाषी, राकेश नेवगी, राजगुरू, मनोज वाघमारे, संतोष जोईल आदी कार्यकर्ते उपस्थित होते.