जिल्हाप्रमुख संजू परब यांच्या हस्ते पुष्पगुच्छ देऊन अभिनंदन; पुढील वाटचालीस दिल्या शुभेच्छा
सावंतवाडी,दि.२०: शिवसेना मुख्य नेते आणि उपमुख्यमंत्री एकनाथ शिंदे, खासदार डॉक्टर श्रीकांत शिंदे, सावंतवाडीचे आमदार दीपकभाई केसरकर, कुडाळ-मालवणचे आमदार निलेश राणे आणि शिवसेना जिल्हा प्रमुख संजू परब यांच्या आदेशानुसार, शिवसेना जिल्हा सचिव परीक्षित मांजरेकर यांची सावंतवाडी-दोडामार्ग-वेंगुर्ला विधानसभा शिवसेना BLA प्रमुख म्हणून नियुक्ती करण्यात आली आहे.
पक्ष संघटनेत अत्यंत महत्त्वाचे मानले जाणारे ‘बीएलए’ (Booth Level Agent) प्रमुख पद मांजरेकर यांच्याकडे सोपवण्यात आल्याने, विधानसभा क्षेत्रातील तिन्ही तालुक्यांत शिवसेनेची बांधणी अधिक मजबूत होणार आहे. त्यांच्या कार्याची दखल घेत वरिष्ठ नेत्यांनी त्यांच्यावर हा विश्वास टाकला आहे.
या नियुक्तीबद्दल आज जिल्हाप्रमुख सच्चिदानंद उर्फ संजू परब यांनी श्री. मांजरेकर यांचे पुष्पगुच्छ देऊन अभिनंदन केले. यावेळी बोलताना संजू परब यांनी मांजरेकर यांच्या कार्याचे कौतुक केले आणि ही नवीन जबाबदारी ते समर्थपणे पार पाडतील, असा विश्वास व्यक्त करत त्यांना पुढील राजकीय वाटचालीस शुभेच्छा दिल्या.
या निवडीमुळे सावंतवाडी, दोडामार्ग आणि वेंगुर्ला या तिन्ही तालुक्यांतील शिवसैनिकांमध्ये उत्साहाचे वातावरण निर्माण झाले असून, परीक्षित मांजरेकर यांच्यावर सर्व स्तरांतून अभिनंदनाचा वर्षाव होत आहे.
