कणकवली,दि.१०: माजी मुख्यमंत्री, माजी केंद्रीय मंत्री आणि विद्यमान खासदार माननीय श्री. नारायणराव राणे यांच्या वाढदिवसाचे औचित्य साधून शिवसेना जिल्हाप्रमुख संजू परब यांनी त्यांची प्रत्यक्ष भेट घेतली आणि त्यांना वाढदिवसाच्या मनःपूर्वक शुभेच्छा दिल्या.
कोकणच्या विकासात मोलाचे योगदान देणाऱ्या श्री राणे यांच्या निवासस्थानी जाऊन संजू परब यांनी त्यांचे अभीष्टचिंतन केले. या शुभेच्छा भेटीच्या प्रसंगी पालकमंत्री नितेश राणे, सिंधुदुर्ग जिल्हा बँक संचालक विद्याधर परब यांची देखील प्रमुख उपस्थिती होती.
या भेटीदरम्यान संजू परब यांनी नारायण राणे यांच्या उत्तम आरोग्यासाठी आणि दीर्घायुष्यासाठी शुभेच्छा व्यक्त केल्या.
यावेळी विविध क्षेत्रातील मान्यवरांनी व कार्यकर्त्यांनी देखील मोठ्या संख्येने उपस्थित राहून राणे साहेबांप्रती आपला आदर व्यक्त केला.
