🔴अण्णांच्या नावात असलेला “वसंत” कायम फुलत राहो…

🟤रमाकांत खलप; केसरकरांच्या “स्मरण साखळी” पुस्तकाचे सावंतवाडीत प्रकाशन…

🌄सावंतवाडी,ता.१५: अण्णा केसरकर यांनी आपल्या आयुष्यात अनेक कार्यकर्ते घडविले. त्यामुळे त्यांंच्या नावात असलेला “वसंत” कायम फुलत राहो. या आगळ्या-वेगळ्या कार्यकर्त्याच्या फॅक्टरीचे काम समाजाला दिशा देणार आहे, असे मत माजी केंद्रीय मंत्री रमाकांत खलप यांनी आज येथे मांडले. श्री. केसरकर यांनी लिहिलेल्या “स्मरण साखळी” या पुस्तकाचे आज मान्यवरांच्या हस्ते प्रकाशन करण्यात आले. यावेळी ते बोलत होते.
याप्रसंगी सावंतवाडी संस्थानचे राजे खेमसावंत भोसले, शुभदादेवी भोसले, श्री. खलप, माजी आमदार शंकर कांबळी, प्रा. जी. ए. बुवा, शिवसेनेचे जिल्हाप्रमुख संजय पडते, माजी नगराध्यक्ष बबन साळगावकर, अ‍ॅड. अजित भणगे, लोकमान्य सोसायटीचे पंढरीनाथ परब,शिवसेना तालुकाप्रमुख रुपेश राऊळ, जिल्हा पत्रकार संघाचे अध्यक्ष उमेश तोरसकर, माजी अध्यक्ष गणेश जेठे, सावंतवाडी पत्रकार संघाचे अध्यक्ष प्रविण मांजरेकर, हरिश्चंद्र पवार, राजेश मोंडकर रामचंद्र कुडाळकर, मोहन जाधव, अनंत जाधव, अमोल टेंबकर, जतिन भिसे, शैलेश मयेकर,चंद्रकांत उर्फ बाळा गावडे, शिवप्रसाद देसाई, राजू तावडे,मयुर चराटकर,आनंद धोंड,नकुल पार्सेकर, डी. टी. देसाई, आदी उपस्थित होते.
यावेळी श्री. खलप पुढे म्हणाले, या ठिकाणी राजकारणी राजकारणात गेल्यानंतर काही दिवसात श्रीमंत होतात. मात्र अनेक वर्षे राजकारण आणि समाजकारणात काम करणार्‍या श्री. केसरकर यांचे पाय आजही जमिनीवर आहेत ही कौतुकाची गोष्ट आहे. त्यांनी शब्दबध्द केलेल्या पुस्तकामुळे शिवसेना तसेच अनेक आंदोलन सत्याग्रहांना आवाज फुटला आहे. जुन्या आठवणींना उजाळा मिळाला आहे.
यावेळी माजी नगराध्यक्ष साळगावकर म्हणाले, अण्णांनी अनेक कार्यकर्ते घडविण्याचे काम केले. महाराष्ट्र आणि कर्नाटकवरुन सुरू असलेल्या वादात त्यांची भूमिका महत्वाची होती. त्यांच्या सोबत आंदोलन करण्याचे भाग्य आम्हा मिळाले आहे.
श्री. भणगे म्हणाले, या ठिकाणी अण्णांनी त्यावेळी शिवसेना जिवंत करण्याचे काम जिल्ह्यात केले. त्यांच्या सोबत मी स्वतः जिल्ह्यात फिरलो आहे. त्यांच्याकडुन सुरू असलेले काम हे आजही युवा पिढीला प्रेरणा देणारे आहे. यावेळी खेमसावंत, जी. ए. बुवा तसेच अन्य मान्यवरांनी आपले विचार मांडले.