विज समस्येबाबत जिल्हा व्यापारी संघाकडून सावंतवाडीत मेळाव्याचे आयोजन…

मेळाव्याला ग्राहकांनी उपस्थित राहून आपल्या तक्रारी नोंदवाव्यात… तालुकाध्यक्ष जगदीश मांजरेकर

सावंतवाडी, दि.१४ : अवाजवी वाढीव वीज बिले, कमी दाबाचा विद्युत पुरवठा, बंद असलेले पथदीप ,वीज वितरण कंपनीकडून ग्राहकांची होणारी गैरसोय, अतिरिक्त अधिभार यावर चर्चा करण्यासाठी जिल्हा व्यापारी संघाच्या माध्यमातून सावंतवाडी येथील श्रीराम वाचन मंदिराच्या सभागृहात उद्या १५ तारखेला सभेचे आयोजन करण्यात आले आहे.

या पार्श्वभूमीवर आज जिल्हा व्यापारी संघाच्या पदाधिकाऱ्यांनी सावंतवाडीत पत्रकार परिषद घेऊन वीज ग्राहकांना उद्या होणाऱ्या मेळाव्याला उपस्थित राहण्याचे आवाहन केले आहे.

दरम्यान या मेळाव्यात वाढीव बिले, बंद असलेले मीटर, बाबतच्या तक्रारी अतिरिक्त कर यांवर अधिकाऱ्यांशी चर्चा करण्यात येणार आहे तरी जिल्ह्यातील सर्व वीज ग्राहकांनी आपल्या तक्रारी अधिकाऱ्यांकडे मांडण्यासाठी मोठ्या संख्येने मेळाव्यास उपस्थित रहावे असे आवाहन संघटनेच्या वतीने करण्यात आले आहे.

यावेळी जिल्हाध्यक्ष द्वारकानाथ घुयेॅ, सावंतवाडीचे तालुकाध्यक्ष जगदीश मांजरेकर, बाळ बोर्डेकर, श्रीपाद चोडणकर, भाऊ परब, नंदन वेंगुर्लेकर, राजन नाईक, संजय भोगटे, आदी पदाधिकारी उपस्थित होते