Home News “स्थानिक कलागुणांना प्रोत्साहन देत पर्यावरणपूरक सणांची परंपरा जपूया” — विशाल परब

“स्थानिक कलागुणांना प्रोत्साहन देत पर्यावरणपूरक सणांची परंपरा जपूया” — विशाल परब

0
5

तळवणेत खुली सोलो नृत्य व पर्यावरणपूरक आकाशकंदील स्पर्धेला उत्स्फूर्त प्रतिसाद

सावंतवाडी,दि.२१: “आपल्या गावातील कलागुणांना योग्य व्यासपीठ मिळवून देणारे उपक्रम आपल्या सांस्कृतिक परंपरेला अधिक बळ देतात. नृत्यस्पर्धेतून नवोदित कलाकारांना प्रोत्साहन देतानाच पर्यावरणपूरक आकाशकंदील स्पर्धेसारख्या स्तुत्य उपक्रमांतून निसर्गसंवर्धनाचा संदेशही समाजात पुढे नेला पाहिजे,” असे प्रतिपादन भाजप महाराष्ट्राचे युवा नेते विशाल प्रभाकर परब यांनी केले.

तळवणे थंडर क्रिकेट क्लब व नवयुवक नाट्य संपदा, तळवणे यांच्या संयुक्त विद्यमाने आयोजित ‘खुली सोलो नृत्य स्पर्धा २०२६’ आणि ‘तळवणे मर्यादित पर्यावरणपूरक आकाशकंदील स्पर्धा’ शुक्रवार, २० नोव्हेंबर रोजी श्री देव रवळनाथ मंदिर रंगमंच येथे मोठ्या उत्साहात पार पडली. या सोहळ्याला विशाल परब हे प्रमुख पाहुणे म्हणून उपस्थित होते. यावेळी बोलताना परब यांनी आयोजकांच्या या कल्पक पुढाकाराचे विशेष कौतुक केले आणि स्थानिक कलाकारांच्या सुप्त कलागुणांना व सर्जनशीलतेला वाव देणारे असे उपक्रम भविष्यातही सातत्याने आयोजित व्हावेत, अशी अपेक्षा व्यक्त केली. स्पर्धेतील कलाकारांचे सादरीकरण आणि पर्यावरणपूरक आकाशकंदिलांची आकर्षक सजावट उपस्थितांचे लक्ष वेधून घेत होती.

या कार्यक्रमाला पूज्य मठाधीश राजेंद्र भारती महाराज, जिल्हा परिषद सदस्य सुधन कवठणकर, तळवणे सरपंच समीर केरकर, गुळदुवे सरपंच शैलेंद्र जोशी, गुळदुवे उपसरपंच गणपत शेटकर, भाजप युवा तालुका अध्यक्ष सिद्धेश कांबळी, भाजप सरचिटणीस नारायण कांबळी, तळवणे माजी उपसरपंच रंजन गावडे यांच्यासह रवींद्र गावडे, सावळाराम घाटये, सुधीर गावडे, सुहास गावडे, काका गावडे, बाबू गावडे, आबा शेटकर, रंजन गावडे आणि नाना गावडे आदी मान्यवर उपस्थित होते. तसेच, आयोजक मंडळाचे सदस्य आणि ग्रामस्थांनीही या सोहळ्याला मोठ्या संख्येने उपस्थिती लावत स्पर्धकांचा उत्साह वाढवला.

LEAVE A REPLY

Please enter your comment!
Please enter your name here