श्रीराम वाचन मंदिरात सायंकाळी ५ वाजता आयोजन; उपस्थित राहण्याचे पत्रकार मित्रांचे आवाहन
सावंतवाडी, दि.०२: ज्येष्ठ पत्रकार आणि शिवसेनेचे माजी तालुकाप्रमुख उत्तम वाडकर यांचे नुकतेच निधन झाले आहे. त्यांनी आपल्या लेखणीच्या आणि सामाजिक कार्यांच्या माध्यमातून तालुक्यात एक वेगळा ठसा उमटवला होता. त्यांच्या या अचानक जाण्याने पत्रकारिता क्षेत्रासह सामाजिक आणि राजकीय वर्तुळात मोठी पोकळी निर्माण झाली आहे. त्यांच्या या स्मृतीस आदरांजली वाहण्यासाठी सावंतवाडी शहरातील प्रसिद्ध श्रीराम वाचन मंदिर येथे शोक सभेचे खास आयोजन करण्यात आले आहे.
ही शोक सभा सोमवारी, ३ ऑगस्ट रोजी सायंकाळी ठीक ५ वाजता पार पडणार आहे. या सभेत स्व. उत्तम वाडकर यांच्या जीवनप्रवसावर आणि पत्रकारिकेतील योगदानावर उजाळा दिला जाणार आहे. या शोकसभेत सावंतवाडी आणि परिसरातील नागरिक, लोकप्रतिनिधी, सर्वपक्षीय कार्यकर्ते, पत्रकार आणि वाडकर यांच्या मित्रपरिवारासह चाहत्यांनी मोठ्या संख्येने उपस्थित राहून श्रध्दांजली अर्पण करावी, असे भावूक आवाहन त्यांच्या सर्व पत्रकार मित्रांच्या वतीने करण्यात आले आहे.
