जिल्हाप्रमुख संजू परब यांच्याकडून श्री गावडे यांच्या कार्याचे कौतुक
-
सावंतवाडी, दि.२२: शिवसेना तालुकाप्रमुख दिनेश गावडे यांचा वाढदिवस आमदार दीपक केसरकर यांच्या निवासस्थानी शिवसेना कार्यालयात पक्षाचे पदाधिकारी आणि शिवसैनिकांच्या मोठ्या उपस्थितीत अत्यंत उत्साहपूर्ण आणि जल्लोषात साजरा करण्यात आला.
या स्नेहमेळाव्यात शिवसेना जिल्हाप्रमुख संजू परब यांनी दिनेश गावडे यांना वाढदिवसाच्या आपुलकीच्या शुभेच्छा दिल्या. गावडे यांनी तालुक्यातील पक्षसंघटन बळकट करण्यासाठी आणि तळागाळातील सामाजिक प्रश्न सोडवण्यासाठी अत्यंत प्रभावी काम केले असून, त्यांच्या याच निष्ठावंत आणि संघटनात्मक कार्याचे संजू परब यांनी विशेष कौतुक केले.
या सोहळ्यात दिनेश गावडे यांच्या हस्ते केक कापून आनंदोत्सव साजरा केला. या प्रसंगी तालुकाप्रमुख बबन राणे, जिल्हा सचिव परीक्षित मांजरेकर, रमाकांत राऊळ, आनंद वरक, संजय गावडे, स्वप्नील परब, नंदू गावडे, बबन गावडे, यश गावडे, परेश सोंसुरकर, देव्रत राऊळ, क्लेटस फर्नांडीस, वामन नार्वेकर, सचिन साटेलकर यांच्यासह शिवसेनेचे विविध स्तरांतील प्रमुख पदाधिकारी आणि कार्यकर्ते मोठ्या संख्येने उपस्थित होते. उपस्थितांनी गावडे यांना पुष्पगुच्छ देऊन त्यांच्या पुढील सामाजिक व राजकीय वाटचालीस उदंड आयुष्याच्या व यशाच्या शुभेच्छा दिल्या.
