🔴प्रवाशांसोबत उद्धट वागणाऱ्या एसटी बस कर्मचाऱ्यांवर कारवाई करा..

🟤मनसे विद्यार्थी सेना सुधीर राऊळ यांची आगारप्रमुखांकडे मागणी..

🖼️सावंतवाडी, दि.२४ : येथील काही एस टी बस कर्मचारी प्रवाशांशी आणि महाविद्यालयातील मुलांशी उद्धटपणे वागतात. तसेच काही वेळा एसटी बस वेळेवर न आल्याने विद्यार्थ्यांचे शैक्षणिक नुकसान होते. या सर्व बाबींवर उपाययोजना व्हावी या मागणीसाठी काल बुधवारी मनसे विद्यार्थी सेना जिल्हाध्यक्ष सुधीर राऊळ यांनी आगार प्रमुखांची भेट घेतली आणि त्यांना जाब विचारला.
दरम्यान प्रवाशांशी आणि विद्यार्थ्यांशी हुज्जत घालणाऱ्या एसटी बस कर्मचाऱ्यांवर कठोर कारवाई करा अन्यथा मनसेच्या वतीने तीव्र आंदोलन करण्यात येईल असा इशारा विद्यार्थी सेना जिल्हाध्यक्ष सुधीर भाऊ यांनी आगार प्रमुख गोधे यांना केला.

यावेळी साहिल तळकटकर, राकेश परब, केतन सावंत, ओमकार नवार, विशाल पंत, कॉलेज विद्यार्थी आदी मनसैनिक मोठ्या संख्येने उपस्थित होते.