🔴राज्यस्तरीय रंगभरण स्पर्धेत कळसुलकर प्राथ.शाळेची मृण्मयी गावडे राज्यात प्रथम..

🟤गुणवंत विद्यार्थिनी आणि कला शिक्षकांचा शाळेच्या व संस्थेच्या वतीने करण्यात आला सन्मान..

🖼️सावंतवाडी, दि.२३ : येथील सावंतवाडी एज्युकेशन सोसायटी प्राथमिक शाळेच्या कुमारी मृण्मयी शिवराम गावडे (इयत्ता पहिली) हिने गौतम एज्युकेशन सोसायटी इचलकरंजी ,कोल्हापूर आयोजित राज्यस्तरीय सप्तरंग रंगभरण स्पर्धेत राज्यात प्रथम क्रमांक मिळवला.
मृण्मयी हिला सन्मानचिन,प्रमाणपत्र आणि रोख रक्कम १००० रुपये बक्षीस देऊन गौरविण्यात आले.

सोबतच स्पर्धेत भाग घेतलेल्या कुमारी सृष्टी महेश गावडे, (दुसरी),मैत्री अमित वेतोरकर(पहिली), दुर्वा अतुल केसरकर (चौथी), कोमल सोनू गावडे (चौथी) या मुलांनी या स्पर्धेत गुणवत्ता यादीत येण्याचा बहुमान मिळवला.
सावंतवाडी एज्युकेशन सोसायटी प्राथमिक शाळेमध्ये अशा विविध स्पर्धा आयोजित केल्या जातात.दरवर्षी या शाळेचे विद्यार्थी अनेक स्पर्धात आपले व आपल्या शाळेचे नाव रोषण करत असतात.यासोबत सप्तरंगाच्या वतीने ही स्पर्धा राबवणाऱ्या सहाय्यक शिक्षिका श्रीमती स्वरा राऊळ यांना उपक्रमशील कलाशिक्षक हा बहुमान प्रदान करण्यात आला. यावेळी त्यांना व मुलांना सन्मानचिन व प्रमाणपत्र देऊन सन्मानित करण्यात आले. वरील सर्व गुणवंत विद्यार्थी आणि कलाशिक्षक यांचा शाळेच्या वतीने मुख्याध्यापक श्री.प्रदीप सावंत यांच्या हस्ते सन्मान करण्यात आला.यावेळी कार्यक्रमाला सहाय्यक शिक्षक श्री.डी.जी.वरक, अमित कांबळे,ज्योत्स्ना गुंजाळ,प्राची बिले,संजना आडेलकर आदी शिक्षक उपस्थित होते.
संस्थेच्या वतीने संस्थाध्यक्ष श्री शैलेश पई,सचिव डॉ.प्रसाद नार्वेकर तसेच अन्य पदाधिकारी यांनी सर्वांचे कौतुक केले.