🔴सह्याद्री फाउंडेशन च्या वतीने नवनिर्वाचित संचालक मंडळाचा सत्कार..

🟤सावंतवाडी तालुका खरेदी विक्री संघाचे कार्य शेतकऱ्यांच्या हितासाठी मोलाचे ठरेल.. सुनील राऊळ

सावंतवाडी. दि.१७ : पन्नास वर्षाहून अधिक काळ सावंतवाडी तालुक्यातील शेतकऱ्यांच्या हितासाठी सावंतवाडी तालुका खरेदी विक्री संघ कार्य करत आहे.या खरेदी विक्री संघामध्ये शेतकऱ्यांच्या हितासह नवनवीन तंत्रज्ञान कसं आणण्यात येईल या दृष्टीने नवीन संचालक मंडळाने प्रयत्न करावेत. आजच्या नवीन तंत्रज्ञानामध्ये ही जुन्या संस्थेलाही एक नवी झळाकी मिळणे आवश्यक आहे असे मत सैनिक नागरी सहकारी पतसंस्थेचे महा व्यवस्थापक तथा मुख्य कार्यकारी अधिकारी, सह्याद्री फाउंडेशनचे संस्थापक अध्यक्ष सुनील राऊळ यांनी व्यक्त केले. सह्याद्री फाउंडेशन च्या वतीने सत्कार व गौरव कार्यक्रम आयोजित करण्यात आला होता. सह्याद्री फाउंडेशनचे  संचालक माजी सभापती प्रमोद सावंत व कंझमर्स सोसायटीचे माजी चेअरमन प्रमोद गावडे हे दोघेही खरेदी विक्री संघावर निवडून आले आहेत त्याबद्दल त्यांचा गौरव सत्कार श्री रावळ व माजी नगराध्यक्ष व सह्याद्री फाउंडेशन चे माजी अध्यक्ष संजू परब यांच्या हस्ते करण्यात आला.यावेळी फाउंडेशनचे अध्यक्ष प्रल्हाद तावडे,सचिव सुहास सावंत,माजी सचिव एडवोकेट संतोष सावंत,माजी अध्यक्ष विजय चव्हाण, शशिकांत मोरजकर,मोहिनी मडगावकर,राजन राऊळ,अशोक सांगेलकर, अजय गोंदावळे,दीनानाथ नाईक,सत्यवान बांदेकर,हेमंत बांदेकर,अमित परब, आबा केळुसकर,योगेश शेटये,समीर पालव आधी उपस्थित होते.यावेळी माजी नगराध्यक्ष संजू परब म्हणाले कि,सह्याद्री फाउंडेशन मध्ये जे जे कार्य करत आहेत ते आतापर्यंत सामाजिक शैक्षणिक राजकीय अशा विविध क्षेत्रात चमकत आहेत. प्रमोद गावडे आणि प्रमोद सावंत हे दोघेही कष्टाळू आणि प्रामाणिकपणे काम करणारे कार्यकर्ते आहेत त्यांनी आता या संघावर नवनवीन तंत्रज्ञान कसे आणता येईल याकडे लक्ष द्यावे. यावेळी माजी सभापती प्रमोद सावंत म्हणाले मी अनेक पदावर कार्य केल आहे परंतु आता खरेदी-विक्री संघावर मला ही संधी शेतकऱ्यांनी उपलब्ध करून दिली त्याचा वापर निश्चितच आपण शेतकऱ्यांच्या हितासाठी करेन सर्वांच्या सहकार्यामुळे मी निवडून येऊ शकलो असे ते म्हणाले. प्रमोद गावडे यांनी  पन्नास वर्षाहून अधिक काळ या संघामध्ये काम केले आहे. कंझमर्स सोसायटीमध्ये शेतकऱ्यांना परवडेल असे खत पुरवठा आम्ही करत आलो आहोत आणि या संस्थेला उचित अवस्थेत आणले आता निश्चितपणे सर्वांच्या सहकार्याने खरेदी विक्री संघात नवनवीन बदल केले जातील.सह्याद्री फाउंडेशनने आम्हा दोघा संचालकांचा जो गौरव केला तो खरोखरच आम्हाला उभारी देणार आहे.यावेळी सूत्रसंचालन एडवोकेट संतोष सावंत तर आभार प्रल्हाद तावडे यांनी मानले .