🔴कोकणात शिवसेनेचा विस्तार कसा झाला…? ज्येष्ठ सामाजिक कार्यकर्ते अण्णा केसरकर

🟤“स्मरण साखळी”या पुस्तकाचे १७ रोजी प्रकाशन

🖼️सावंतवाडी,दि.१३ : मराठी माणसांच्या न्याय हक्कासाठी शिवसेनेची स्थापना करण्यात आली, याची स्थापना कशी झाली याचे शिल्पकार कोण..? हे आताच्या पिढीला समजण्यासाठी ज्येष्ठ पत्रकार अण्णा केसरकर यांनी “स्मरण साखळी” या आपल्या पुस्तकाच्या माध्यमातून कोकणात शिवसेना कशाप्रकारे उभी राहिली, शिवसेनेत मी कसा संघर्ष केला, गावा गावात कशा प्रकारे शिवसेना वाढत गेली, याची माहिती मांडली आहे.

या “स्मरण साखळी” नावाच्या पुस्तकाचे १७ नोव्हेंबर रोजी प्रकाशन होत असल्याची माहिती ज्येष्ठ शिवसैनिक अण्णा केसरकर यांनी दिली आहे.
नेहमी समाजकार्यात अग्रेसर असलेल्या अण्णा केसरकर यांच्या या कार्यक्रमाचे आयोजन सावंतवाडी पत्रकार संघाकडून करण्यात आले.
या कार्यक्रमासाठी सावंतवाडी संस्थांचे राजेसाहेब, युवराज तसेच राजकीय सामाजिक पत्रकार या सर्व क्षेत्रातील मान्यवर व्यक्तींना आमंत्रण देण्यात आले आहे.
हे पुस्तक युवकांनी वाचावे, आणि १७ तारीख ला होणाऱ्या प्रकाशन सोहळ्यास सर्वांनी उपस्थित राहावे असे आवाहन ज्येष्ठ पत्रकार अभिमन्यू लोंढे,तालुका पत्रकार संघ अध्यक्ष प्रवीण मांजरेकर यांनी केले आहे.