🔴विद्याधर परब हे दीपक केसरकरांसोबत असले तरी ते मनाने आमच्या सोबतच.. तालुकाप्रमुख रुपेश राऊळ

🟤 खरेदी विक्री संघावर सहकार वैभव पॅनलचा विजय होईल राऊळ यांचा दावा

🖼️सावंतवाडी, दि. १०: जिल्हा बँकेचे संचालक विद्याधर परब हे दीपक केसरकरांसोबत असले तरी ते मनाने आमच्या सोबतच आहेत. मात्र ते फोटोत नेमके का ? हे आम्ही निवडणुकीत नंतरच जाहीर करू, अशी भुमिका उध्दव बाळासाहेब ठाकरे गटाचे तालुकाप्रमुख रुपेश राऊळ यांनी घेतली.

यावेळी बोलतांना राऊळ यांनी सावंतवाडी खरेदी-विक्री संघावर सहकार वैभव पॅनलचा विजय असेल, असा दावाही त्यांनी केला. ते महाविकास आघाडीच्यावतीने आयोजित पत्रकार परिषदेत बोलत होते.

यावेळी मायकल डिसोजा, खरेदी-विक्री संघाचे माजी अध्यक्ष बाबल ठाकूर, रमेश
गावकर, काँग्रेसचे तालुकाध्यक्ष महेंद्र सांगेलकर, राष्ट्रवादीचे तालुकाध्यक्ष पुंडलिक दळवी, आबा सावंत, विष्णू परब, , रविंद्र म्हापसेकर आदी उपस्थित होते.