सावंतवाडी,दि.१४: सावंतवाडी तालुक्यातील सातार्डा-तरचावाडा येथील रहिवासी आणि माजी सैनिक चंद्रकांत पवार यांच्या पत्नी, तसेच ज्येष्ठ पत्रकार हरिश्चंद्र पवार यांच्या मातोश्री सौ. चंद्रावती चंद्रकांत पवार (वय ७९) यांचे मंगळवारी पहाटे ६.३५ वाजण्याच्या सुमारास दुःखद निधन झाले. त्यांच्या निधनाचे वृत्त समजताच सातार्डा परिसरासह सावंतवाडी तालुक्यात शोककळा पसरली आहे.
सौ. चंद्रावती पवार या अत्यंत प्रेमळ, साध्या आणि कुटुंबवत्सल स्वभावाच्या होत्या. आयुष्यभर त्यांनी कुटुंबाचा आधारस्तंभ म्हणून आपली जबाबदारी समर्थपणे पार पाडली. घरातील प्रत्येकाला प्रेमाने जोडून ठेवणाऱ्या त्या एक भक्कम दुवा होत्या. त्यांच्या शांत आणि संयमी स्वभावामुळे परिसरातही त्या सर्वांच्या आदरास पात्र होत्या. त्यांच्या निधनाने पवार कुटुंबावर दुःखाचा डोंगर कोसळला असून, एक मायेची सावली हरपल्याची भावना व्यक्त होत आहे.
त्यांच्या पश्चात पती, मुलगे, सुना, नातवंडे असा मोठा परिवार आहे. त्यांच्या निधनाबद्दल विविध क्षेत्रांतील मान्यवरांनी आणि ग्रामस्थांनी शोकसंवेदना व्यक्त करत पवार कुटुंबाला धीर दिला आहे.
