सावंतवाडी,दि.२५: सावंतवाडी एज्युकेशन सोसायटी प्राथमिक शाळेच्या वतीने संस्थेच्या शतकोत्तर रौप्य महोत्सवी वर्षानिमित्त पालकांसाठी एका विशेष ‘तालुकास्तरीय वेशभूषा स्पर्धा – २०२६’ चे आयोजन करण्यात आले आहे. ही स्पर्धा मंगळवार, १७ मार्च २०२६ रोजी सकाळी ११.०० वाजता सावंतवाडी येथील कळसुलकर इंग्लिश स्कूलच्या सभागृहात संपन्न होणार आहे. सामाजिक जाणीव आणि पालकांचा शालेय उपक्रमांमधील सहभाग वाढविण्याच्या उद्देशाने ही स्पर्धा आयोजित करण्यात आली आहे.
या स्पर्धेसाठी ‘थोर समाजसुधारक’ हा मुख्य विषय ठेवण्यात आला असून, सहभागी पालकांना प्रत्येकी दोन मिनिटांत आपल्या विषयाचे साभिनय सादरीकरण करावे लागणार आहे. सावंतवाडी तालुक्यातील कोणत्याही शाळेत इयत्ता पहिली ते सातवीमध्ये शिक्षण घेत असलेल्या विद्यार्थ्यांचे पालक या स्पर्धेत आपला सहभाग नोंदवू शकतात. या स्पर्धेसाठी केवळ ५० रुपये प्रवेश फी निश्चित करण्यात आली असून, पहिल्या नोंदणी करणाऱ्या ५० स्पर्धकांनाच प्राधान्य देण्यात येणार असल्याचे आयोजकांनी स्पष्ट केले आहे.
स्पर्धेतील विजेत्यांसाठी आकर्षक बक्षिसे जाहीर करण्यात आली आहेत. यामध्ये प्रथम क्रमांकासाठी १००१ रुपये, द्वितीय क्रमांकासाठी ७०१ रुपये, तृतीय क्रमांकासाठी ५०१ रुपये आणि उत्तेजनार्थ क्रमांकासाठी २०१ रुपये, तसेच प्रमाणपत्र व चषक देऊन गौरविण्यात येणार आहे. याशिवाय स्पर्धेत सहभागी होणाऱ्या प्रत्येक पालकाला सहभाग प्रमाणपत्र प्रदान केले जाईल. या स्पर्धेत परीक्षकांचा निर्णय अंतिम राहणार आहे.
इच्छुक पालकांनी नाव नोंदणीसाठी मुख्याध्यापक श्री. सावंत सर (९४२०७३३६०२), शिक्षक श्री. वरक सर (९४२३२१३९७२) किंवा शिक्षिका श्रीमती गुंजाळ मॅडम (९४०५७९६७२०) यांच्याशी संपर्क साधावा. स्पर्धेच्या वेळी पालकांनी आपल्या पाल्याचे शाळा ओळखपत्र किंवा संबंधित शाळेच्या मुख्याध्यापकांचे पत्र सोबत आणणे अनिवार्य आहे. या नाविन्यपूर्ण उपक्रमात तालुक्यातील पालकांनी मोठ्या संख्येने सहभागी व्हावे, असे आवाहन सावंतवाडी एज्युकेशन सोसायटीच्या वतीने करण्यात आले आहे.
