सांगेली येथे तहसीलदार श्रीधर पाटील यांच्या हस्ते बांधावरील रस्त्याचे थाटात उद्घाटन
runfunc: 0; algolist: 0;
multi-frame: 1;
brp_mask:0;
brp_del_th:null;
brp_del_sen:null;
motionR: 0;
delta:null;
module: video;hw-remosaic: false;touch: (-1.0, -1.0);sceneMode: null;cct_value: 0;AI_Scene: (-1, -1);aec_lux: 153.0;aec_lux_index: 0;albedo: ;confidence: ;motionLevel: 0;weatherinfo: weather?null, icon:null, weatherInfo:100;temperature: 47;
सावंतवाडी,दि.२१: महाराष्ट्राचे महसूल प्रशासन सर्वसामान्य आणि गरजू नागरिकांसाठी किती संवेदनशीलतेने काम करू शकते, याचा एक उत्तम प्रत्यय सावंतवाडी तालुक्यात आला आहे. तालुक्यातील सांगेली येथे गेली कित्येक वर्षे प्रलंबित असलेला दोन शेतकऱ्यांच्या बांधावरील रस्ता मोकळा करण्यात महसूल विभागाला यश आले असून आज सावंतवाडीचे तहसीलदार श्रीधर पाटील यांच्या हस्ते या दोन रस्त्यांचे अधिकृत उद्घाटन करण्यात आले. हक्काचा रस्ता मिळाल्याने सांगेली येथील शेतकऱ्यांनी प्रशासनाचे आणि तहसीलदारांचे डोळे भरून आभार मानले आहेत.
सांगेली येथील या प्रकरणातील एक बाधित शेतकरी हे दिव्यांग म्हणजेच अंध आहेत. शेतावर जाण्यासाठी आणि तिथून पुन्हा घरी ये-जा करण्यासाठी हक्काचा मार्ग नसल्याने कित्येक वर्षांपासून त्यांचे प्रचंड हाल होत होते. ही अत्यंत संवेदनशील आणि गंभीर बाब लक्षात घेऊन सदर अंध शेतकऱ्याने सावंतवाडी तहसीलदारांकडे न्याय मिळण्यासाठी रीतसर निवेदन दिले होते. या अर्जाची तहसीलदार श्रीधर पाटील यांनी तातडीने दखल घेतली आणि प्रत्यक्ष जागेवर जाऊन मार्ग काढण्याचे निश्चित केले. आणि अखेर हा मार्ग त्यांना वाहतुकीसाठी मोकळा केला.
बांधावरील शेतजमिनीला जाण्यासाठी ज्या शेतकऱ्यांच्या खाजगी जागेतून जावे लागत होते, ते शेतकरी विश्वनाथ राऊळ आणि अभय किंनळोस्कर यांच्याशी तहसीलदार पाटील यांनी सांगेलीचे सरपंच लवु भिंगारे यांच्या माध्यमातून संपर्क साधला. सर्वांना विश्वासात घेऊन शासकीय नियमांनुसार आणि संबंधित शेतकऱ्यांच्या संमतीने चर्चा करण्यात आली. त्यानंतर ‘महाराष्ट्र जमीन महसूल अधिनियम १९६६’ च्या कलम १४३ अन्वये हा वर्षानुवर्षे बंद असलेला बांधावरील रस्ता रीतसर मोकळा करण्याचा निर्णय घेण्यात आला. दोन्ही बाजूच्या शेतकऱ्यांनी दाखवलेल्या सामोपचारामुळे हा रस्ता अखेर मोकळा झाला आणि आज तहसीलदार श्रीधर पाटील यांच्या हस्ते श्रीफळ वाढवून याचे उद्घाटन करण्यात आले. एका अंध शेतकऱ्याची वर्षानुवर्षांची पायपीट थांबवून त्याला हक्काचा मार्ग मिळवून दिल्याबद्दल महसूल प्रशासनाचे संपूर्ण तालुक्यात कौतुक होत आहे.
या महत्त्वपूर्ण रस्ता उद्घाटन प्रसंगी सांगेली गावचे सरपंच लवू भिंगारे, आंबोलीचे मंडळ अधिकारी यादव, माडखोलच्या मंडळ अधिकारी श्रीम. भारती गोरे, चौकुळचे ग्राममहसूल अधिकारी संदीप मुळीक, दानोलीचे ग्राममहसूल अधिकारी संतोष धोंड, माडखोलच्या ग्राममहसूल अधिकारी श्रीम. नमिता कुडतडकर, महसूल सहाय्यक मधुसूदन कुडतडकर, आंबोलीचे महसूल सेवक लाडू गावडे, दानोलीचे महसूल सेवक काशीराम जाधव, माजगावचे महसूल सेवक लियाकत बेग, दीपक परब, सांगेलीचे पोलीस पाटील विठ्ठल डोईफोडे, सागर सांगेलकर, अभय किंनळोस्कर, विश्वनाथ राऊळ, श्री. लोणकर, महेश पारधी आणि श्री. सावंत यांच्यासह सांगेली परिसरातील शेतकरी आणि ग्रामस्थ मोठ्या संख्येने उपस्थित होते.
