सावंतवाडी,दि.०४: सावंतवाडी तालुका पत्रकार संघाचे सहा पुरस्कार आज पुरस्कार निवड समितीने जाहीर केले यामध्ये वैनतेयकार मे.द. शिरोडकर आदर्श पत्रकार पुरस्कार नागेश पाटील यांना जाहीर करण्यात आला, याशिवाय माजी आमदार व जेष्ठ पत्रकार कै जयानंद मठकर पुरस्कार ज्येष्ठ पत्रकार अवधूत पोईपकर यांना जाहीर करण्यात आला आहे.
कै बाप्पा धारणकर स्मृती पुरस्कार प्रवीण परब यांना जाहीर करण्यात आला तर आदर्श समाजसेवक कै चंदू वाडीकर स्मृती पुरस्कार विश्वनाथ नाईक यांना जाहीर करण्यात आला आहे.आणि ज्येष्ठ
छायाचित्रकार कै मुरलीधर तथा बंडोपंत भिसे स्मरणार्थ छायाचित्रकार पुरस्कार अजित दळवी यांना जाहीर करण्यात आला आहे
सावंतवाडी तालुका पत्रकार संघाच्या कार्यकारिणीच्या बैठकीमध्ये सकाळी तालुका पत्रकार संघाच्या पुरस्कार निवड समितीची निवड करण्यात आली होती. या निवड समितीमध्ये सावंतवाडी उपजिल्हा रुग्णालयाचे वैद्यकीय अधीक्षक डॉ गिरीश कुमार चौगुले,आहार तज्ञ डॉ विनया बाड, उद्योजक उदय भोसले, वकील प्रतिनिधी ऍड संदीप निंबाळकर तसेच जिल्हा सहकार्यावाह प्रवीण मांजरेकर गतवेळचे आदर्श पत्रकार विजेते सागर चव्हाण पत्रकार सचिन रेडकर निवड समितीचे पदसिद्ध पदाधिकारी सावंतवाडी तालुका पत्रकार संघाचे अध्यक्ष हरिश्चंद्र पवार, सचिव मयूर चराटकर, खजिनदार रामचंद्र कुडाळकर यांचा समावेश करण्यात आला होता.
