दोडामार्ग,दि.१५ : श्री खंडोबा, सातेरी, केळबाई, शंभु महादेव, म्हारिंगण पंचायतन देवस्थानचा प्रतिष्ठापना २१ वा वर्धापनदिन सोहळा मिती फाल्गुन शु. शनिवार दि.१६ मार्च रोजी साजरा होणार आहे.
या निमित्त सकाळी ९ ते ११ सर्व देवतांना महाअभिषेक, ११ ते १ वा. श्री सत्यनारायण महापूजा त्यानंतर आरती व तीर्थप्रसाद, दुपारी १.३० वा. महाप्रसाद, सायंकाळी ५ वाजता भजनाचा कार्यक्रम, राञी १० वा. आजगावकर दशावतार नाट्य मंडळाचा नाट्यप्रयोग होणार आहे. तरी सर्व भाविकांनी उपस्थित रहावे असे आवाहन सरगवे ग्रामस्थांनी केले आहे.
