🔴प्रथमेश तेली यांच्या लग्न स्वागत समारंभ कार्यक्रमाला जिल्ह्यातील नागरिकांनी उपस्थित रहावे.. जिल्हाध्यक्ष राजन तेली यांचे आवाहन

Kokan darshan

2 years ago

🟤केंद्रीय मंत्री नारायण राणे, व उपमुख्यमंत्री देवेंद्र फडणवीस यांच्यासह दिग्गज नेते उद्या सावंतवाडीत..

🖼️सावंतवाडी, दि.२४ : येथील जिमखाना मैदानावर भाजपा जिल्हाध्यक्ष राजन तेली यांचा मुलगा प्रथमेश यांचा लग्न स्वागत समारंभ उद्या २५ नोव्हेंबरला आयोजित करण्यात आला आहे.
यानिमित्त महाराष्ट्र राज्याचे उपमुख्यमंत्री देवेंद्र फडणवीस, केंद्रीय मंत्री नारायण राणे, गिरीश महाजन,धनंजय महाडिक, सतेज उर्फ बंटी पाटील, संजय पाटील आदी दिग्गज नेते उपस्थित राहणार आहेत. याबाबतची माहिती जिल्हाध्यक्ष राजन तेली यांनी दिली आहे.

या पार्श्वभूमीवर मैदानावर विविध देखावे आणि स्वागत समारंभासाठी विशिष्ट प्रकारचा आलिशान राजेशाही थाट असलेला रंगमंच बनवण्यात आला आहे.

उद्या होणाऱ्या या कार्यक्रमाची जय्यत तयारी सुरू असून वधू-वरांना आशीर्वाद देण्यासाठी भाजपा सह विरोधी पक्षातील अनेक दिग्गज नेतेमंडळी उपस्थित राहणार आहेत, यामध्ये केंद्रीय मंत्री नारायण राणे, उपमुख्यमंत्री देवेंद्र फडणवीस, प्रांताध्यक्ष चंद्रशेखर बावनकुळे, विनोद तावडे, महिला प्रांताध्यक्ष चित्रा वाघ उद्योग मंत्री उदय सामंत, सार्वजनिक बांधकाम मंत्री रविंद्र चव्हाण, माजी मंत्री राम शिंदे, जयकुमार रावल, माजी आमदार राजा राऊत, सांगोल्याचे आमदार शहाजी बापू पाटील, सुनील तटकरे, बंटी पाटील, शेखर निकम, खासदार संजय पाटील, धनंजय महाडिक, प्रवीण दरेकर, गोव्याचे आमदार प्रवीण आर्लेकर, जीत आरोलकर, चंद्रकांत शेटये, आदी नेते तसेच राजन तेली मित्र मंडळ उपस्थित राहणार आहेत.

या कार्यक्रमाचे काही लोकांपर्यंत आमंत्रण पोहोचले नसून आमच्या कोकण दर्शन डिजिटल मीडिया या माध्यमा द्वारे श्री तेली यांनी जिल्ह्यातील नागरिकांना या कार्यक्रमाला उपस्थित राहून वधूवरांना आशीर्वाद देण्याचे आवाहन केले आहे.

दरम्यान येणाऱ्या आमंत्रित मान्यवरांसाठी पार्किंगची व्यवस्था जिमखाना येथील स्वार हॉस्पिटलच्या समोरील ग्राउंडवर व लाखे वस्तीच्या समोर करण्यात आली आहे.