🔴आगामी निवडणुकांच्या पार्श्वभूमीवर मळगाव येथे भाजप कार्यकर्त्यांचा मेळावा संपन्न

🟤निवडणुका स्वबळावर लढवण्याचा कार्यकर्त्यांचा मानस, मात्र याबाबत निर्णय वरिष्ठ स्तरावर घेतला जाईल.. जिल्हाध्यक्ष राजन तेली

🌄सावंतवाडी.दि.१६ : आगामी होऊ घातलेल्या ग्रामपंचायत निवडणुकीच्या पार्श्वभूमीवर आज मळगाव येथील भगवती सभागृहात भाजपा कार्यकर्त्यांचा मेळावा पार पडला.

या मेळाव्या दरम्यान जिल्हाध्यक्ष राजन तेली यांनी कार्यकर्त्यांना ग्रामपंचायत निवडणूक संदर्भात उमेदवारांची चाचपणी करून योग्य उमेदवारांची निवड या संदर्भात मार्गदर्शन केले.

यावेळी ग्रामपंचायत निवडणुका स्वबळावर लढवण्याची भावना आजच्या पदाधिकारी मेळाव्यात कार्यकर्त्यांकडून व्यक्त करण्यात आली मात्र याबाबतचा निर्णय वरिष्ठ पातळीवरवरच घेण्यात येईल,असे जिल्हाध्यक्ष राजन तेली यांनी या मेळाव्यानंतर पत्रकार परिषद घेऊन माहिती दिली. यावेळी ते बोलत होते.

यावेळी जिल्हा बँक संचालक महेश सारंग रवींद्र मडगावकर, माजी नगरसेवक मनोज नाईक, मंडल अध्यक्ष महेश धुरी आदी उपस्थित होते.