🔴सावंतवाडी खरेदी विक्री संघाच्या निवडणुकीत भाजपा आणि बाळासाहेबांच्या शिवसेनेने मारली बाजी..

Kokan darshan

2 years ago

🟤श्री देव पाटेकर सहकार परिवर्तन पॅनलने सेनेच्या सहकार वैभव पॅनलला चारली धूळ

🖼️सावंतवाडी,दि.१२ : सावंतवाडी खरेदी, विक्री संघाच्या निवडणुकीत भाजप शिंदे गटाने महाविकास आघाडीला धूळ चारत पंधरा शून्य अशी बाजी मारली. श्री देव पाटेकर सहकार परिवर्तन या पॅनलचे प्रमुख महेश सारंग यांनी सर्व जागेवर विजय मिळवण्याचा आपण केलेला दावा सत्यात उतरवला आहे.
भाजप शिंदे गटाने पहिल्याच
निवडणुकीत महाविकस आघाडीला धूळ चारल्याने भाजप शिंदे गटात आनंदोत्सव साजरा होत आहे. निवडणूक निकालाने छत्री फुलली तर सेनेची विमान कोसळले.. या पॅनलचे प्रमुख महेश सारंग पुन्हा एकदा किंग मेकर ठरले आहेत.

भाजपा आणि बाळासाहेबांची शिवसेना यांनी मिळवलेला हा विजय आगामी होऊ घातलेल्या निवडणुकात निश्चितच कार्यकर्त्यांचे मनोबल उंचावेल अशी प्रतिक्रिया भाजपा जिल्हाध्यक्ष राजन तेली यांनी यावेळी व्यक्त केली.

यावेळी जिल्हा बँक अध्यक्ष मनीष दळवी, माजी नगराध्यक्ष संजू परब, जिल्हा बँक संचालक रवींद्र मडगावकर, शहर अध्यक्ष अजय गोंदावळे,मंडल अध्यक्ष महेश धुरी, अशोक दळवी, मनोज नाईक, अनारिजिन लोबो, संतोष पालेकर,अभिजीत मेस्त्री, विनायक सावंत आधी भाजपा आणि बाळासाहेबांच्या शिवसेना पक्षाचे कार्यकर्ते मोठ्या संख्येने उपस्थित होते.