🔴१३ रोजी होणार मनोहर मनसंतोष गडाच्या वाटेवरील बाक अनावरण कार्यक्रम.. गणेश नाईक

Kokan darshan

2 years ago

🟤दुर्ग मावळा प्रतिष्ठान कोकण विभाग चा स्तुत्य उपक्रम..

सिंधुदुर्ग, दि.११: येथील दुर्ग मावळा प्रतिष्ठान कोकण विभागाच्या वतीने शिरशिंगे गोठवेवाडी ते मनोहर मन संतोष गड या वाटेवर शिवभक्त व पर्यटकांसाठी गडावर जाताना विसावा घेण्यासाठी आवश्यक त्या ठिकाणी लोखंडी बाक बसवले आहेत.
दुसऱ्या टप्प्यात शिवापूर गड पायथा ते शिरशिंगे व शिवापूर गावातील वाटा एकत्र येतात त्यापर्यंतच्या वाटेवर आवश्यक त्या ठिकाणी बाक बसविण्यात काम हाती घेण्यात आले आहे.
या बाकांचा अनावरण कार्यक्रम रविवार दिनांक १३ नोव्हेंबर २०२२ रोजी सकाळी ठीक साडेआठ (८.३०) वाजता प्रमुख मान्यवरांच्या हस्ते ठेवण्यात आला आहे. सदर कार्यक्रमास वसंत नाना शेडगे, भिकाजी नाना गुंजाळ, शिवापूर गावचे सरपंच यशवंत शंकर कदम, वसंत लक्ष्मण शिर्के, कुडाळ पंचायत समिती माजी सभापती मोहन सावंत, शिरशिंगे माजी सरपंच सुरेश शिर्के, सुधीर राऊळ, दुर्ग मावळा प्रतिष्ठान अध्यक्ष प्रकाश कावले, हे मान्यवर उपस्थित राहणार आहेत. तरी सदर कार्यक्रमास दुर्गप्रेमींनी उपस्थित राहावे असे आवाहन कोकण विभागीय अध्यक्ष गणेश नाईक यांनी केले आहे.