सावंतवाडी,दि.२३:तालुक्यातील तळवडे परबवाडी येथील काल शनिवारी दुपारी दोन एकर मध्ये असलेल्या काजू बागेस आग लागून जवळपास एक लाखाचे नुकसान झाले आहे. यामध्ये शेतकरी अनिल परब, सुनील परब,मकरंद परब या शेतकरी वर्गाचा समावेश आहे. ही आग कशामुळे लागली हे अद्याप पर्यंत समजू शकले नाही. मात्र या आगीत पूर्ण काजू कलमे जळून गेली आहेत ,त्यामुळे मोठ्या प्रमाणात काजूचे नुकसान झाले आहे, संबंधित काजू बागेचा प्रशासनाने पंचनामा करावा व नुकसान भरपाई द्यावी अशी तळवडे येथील परब कुटुंबीयांनी मागणी केली आहे.
दरम्यान काजू बागायतीला लागलेली आग ही एवढी भीषण होती की ती आटोक्यात आणणे कठीण झाले होते .परंतु परब कुटुंबीयांनी तात्काळ धाव घेत संबंधित आग आटोक्यात आणली. अन्यथा या ठिकाणी असलेल्या आजूबाजूच्या बागेत ही आग जाऊन मोठ्या प्रमाणात काजू बागेचे तसेच आंबा कलमाचे नुकसान झाले असते.
ही आग आटोक्यात आणण्यासाठी मुन्ना परब,ओंकार परब,सर्वेश परब,बंटी परब,रवी परब,अनिल परब,अक्षय परब, अथर्व परब,अमित परब आणि प्रथा परब यांनी प्रयत्न करून आगीवर ताबा मिळवला.नाहीतर फार मोठे नुकसान झाले असते.
