आजगाव जिल्हा परिषद शाळा क्र. १ मधून अभियानाची सुरुवात; संपूर्ण मतदारसंघात टप्प्याटप्प्याने करणार वाटप
सावंतवाडी, दि.०३: शिक्षणाला प्रोत्साहन देत विद्यार्थ्यांच्या शैक्षणिक गरजा लक्षात घेऊन महाराष्ट्र भाजपाचे युवानेते विशालजी परब यांच्या तर्फे आजगाव पंचक्रोशीत शालेय साहित्य वाटप उपक्रमाचा दिमाखात शुभारंभ करण्यात आला. या महत्त्वपूर्ण उपक्रमाची सुरुवात आजगाव जिल्हा परिषद शाळा क्रमांक १ येथे विद्यार्थ्यांना शालेय साहित्याचे वाटप करून करण्यात आली. विद्यार्थ्यांना शिक्षणासाठी आवश्यक असणारे साहित्य सहज उपलब्ध व्हावे आणि त्यांच्या शैक्षणिक प्रवासाला बळ मिळावे, या पवित्र उद्देशाने हा उपक्रम राबविण्यात येत असून आगामी काळात संपूर्ण मतदारसंघात टप्प्याटप्प्याने शालेय साहित्याचे वाटप केले जाणार आहे.
विशेष म्हणजे, कोणतीही निवडणूक समोर नसताना केवळ आणि केवळ सामाजिक बांधिलकीच्या भावनेतून विशालजी परब हे सातत्याने विविध समाजोपयोगी उपक्रम राबवत आहेत. राजकीय गणितांच्या पलीकडे जाऊन त्यांनी सुरू केलेल्या या शैक्षणिक उपक्रमाचे आजगाव पंचक्रोशीतील ग्रामस्थ, पालक व शिक्षकांकडून जोरदार स्वागत करण्यात येत असून सर्व स्तरांतून समाधान व्यक्त केले जात आहे.
या शालेय साहित्य वाटपाच्या शुभारंभ प्रसंगी भाजपा युवामोर्चा अध्यक्ष हितेन नाईक, भाजपा सोशल मीडिया प्रमुख केतन आजगावकर, आजगावचे माजी सरपंच अण्णा झाट्ये, ओंकार आजगावकर, अमित आजगावकर, गिरीश परब, निल झाट्ये, गोविंद वैज, दीपक हळदणकर, अभिषेक फेद्रे आणि ओम आजगावकर प्रामुख्याने उपस्थित होते. तसेच शाळेच्या मुख्याध्यापिका सौ. म्हाडगुत, सर्व शिक्षकवर्ग, स्थानिक पालक व विद्यार्थी मोठ्या संख्येने उपस्थित होते. विद्यार्थ्यांच्या चेहऱ्यावरील आनंद आणि पालकांचा उत्साह यांमुळे हा कार्यक्रम अत्यंत उत्साही वातावरणात संपन्न झाला.
