‘जागतिक रक्तदाता दिना’चे औचित्य; विविध सामाजिक संस्थांचा संयुक्त उपक्रम, रक्तदात्यांना मोठ्या संख्येने सहभागी होण्याचे आवाहन
सावंतवाडी,दि.११: सिंधुदुर्ग जिल्ह्यात सध्या रक्ताचा भयंकर तुटवडा निर्माण झाला असून, ही आरोग्यविषयक निकड काही प्रमाणात भरून काढण्याच्या प्रामाणिक उद्देशाने बांदा येथे एका भव्य रक्तदान शिबिराचे आयोजन करण्यात आले आहे. ‘जागतिक रक्तदाता दिना’चे औचित्य साधून येत्या रविवारी, दिनांक १४ जून २०२६ रोजी कट्टा कॉर्नर येथील आनंदी मंगल कार्यालय या ठिकाणी हे शिबिर संपन्न होणार आहे. जिल्ह्यातील रक्ताची वाढती गरज लक्षात घेता, नागरिकांनी आणि रक्तदात्यांनी या महापुण्यदानात मोठ्या संख्येने सहभागी व्हावे, असे आवाहन आयोजकांकडून करण्यात आले आहे.
हे रक्तदान शिबिर श्री स्वराज्य प्रतिष्ठान बांदा, सार्वजनिक नवरात्रौत्सव व कला क्रीडा मंडळ कट्टा कॉर्नर बांदा, ज्येष्ठ नागरिक विकास मंच बांदा आणि रक्तदान चळवळीत सातत्यपूर्ण काम करणारी ऑन कॉल रक्तदाते संस्था सिंधुदुर्ग यांच्या संयुक्त विद्यमाने आयोजित करण्यात आले आहे. तसेच या सामाजिक उपक्रमाला लोकमान्य मल्टीपर्पज को-ऑपरेटिव्ह सोसायटी शाखा बांदा यांचे विशेष सहकार्य लाभले आहे. रविवारी सकाळी ८:३० वाजल्यापासून ते दुपारी १:०० वाजेपर्यंत या वेळेत इच्छुक रक्तदात्यांना रक्तदान करता येणार आहे.
या शिबिरात रक्तदान करण्यासाठी किंवा नाव नोंदणी व अधिक माहितीसाठी इच्छुकांनी ऑन कॉल रक्तदाते संस्थेचे अध्यक्ष श्री दयानंद गवस (9821444170), स्वराज्य प्रतिष्ठानचे निलेश मोरजकर (9763717790), अक्षय मयेकर (9503871924), सार्वजनिक नवरात्रौत्सव मंडळाचे नाना शिरोडकर (9767577774), ज्येष्ठ नागरिक विकास मंचचे सचिव गुरुनाथ नार्वेकर (9422379346) आणि समीर परब (9823830119) यांच्याशी संपर्क साधावा, असे आवाहन आयोजकांमार्फत करण्यात आले आहे. आपण केलेले रक्तदान कोणाचे तरी प्राण वाचवू शकते, ही भावना मनात ठेवून बांदा परिसरातील नागरिकांनी या शिबिराला उस्फूर्त प्रतिसाद द्यावा, अशी विनंतीही आयोजक समितीने केली आहे.