सावंतवाडी,दि.०८: तालुक्यातील कुणकेरी येथील आचार्य विनोबा भावे माध्यमिक विद्यालयाने यंदाच्या दहावीच्या परीक्षेत घवघवीत यश संपादन केले आहे. विद्यालयाचा निकाल १०० टक्के लागला असून, ग्रामीण भागातील विद्यार्थ्यांनी आपल्या कौशल्याच्या जोरावर यशाची परंपरा कायम राखली आहे.
या निकालामध्ये प्रणय सिताराम परब याने ८७.६० टक्के गुण मिळवून विद्यालयात प्रथम क्रमांक पटकावला आहे. सोहम गंगाराम गावडे याने ८३.४० टक्के गुणांसह द्वितीय, तर सूर्यकांत अंकुश जोशी याने ८१.८० टक्के गुण मिळवून तृतीय क्रमांक प्राप्त केला आहे. यशस्वी विद्यार्थ्यांनी आपल्या यशाचे श्रेय शाळेतील शिक्षक आणि पालकांना दिले आहे.
विद्यार्थ्यांच्या या नेत्रदीपक यशाबद्दल संस्थेचे अध्यक्ष प्रसाद रेगे, सचिव उत्तम सराफदार, मुख्याध्यापिका अर्चना सावंत आणि माजी मुख्याध्यापक भरत सराफदार यांनी सर्व उत्तीर्ण विद्यार्थ्यांचे कौतुक करत त्यांना पुढील वाटचालीस शुभेच्छा दिल्या आहेत. विद्यालयाच्या या यशामुळे कुणकेरी परिसरातून विद्यार्थ्यांवर अभिनंदनाचा वर्षाव होत आहे.
