सावंतवाडी,दि.१८: अखंड हिंदूस्थानाचे आराध्यदैवत श्रीमंत छत्रपती शिवाजी महाराज यांच्या जयंतीनिमित्त दरवर्षीप्रमाणे यंदाही वेर्ले येथील गावठणवाडी येथे ‘शिवजन्मोत्सव सोहळा २०२६’ चे अत्यंत उत्साहात आयोजन करण्यात आले आहे. दिलीप राघो राऊळ यांच्या निवासस्थानी गुरुवार, दिनांक १९ फेब्रुवारी २०२६ रोजी हा सोहळा संपन्न होणार असून, या निमित्ताने विविध धार्मिक व सांस्कृतिक कार्यक्रमांचे आयोजन करण्यात आले आहे.
या सोहळ्याची सुरुवात गुरुवारी सायंकाळी ७ वाजता छत्रपती शिवाजी महाराजांच्या मूर्ती पूजनाने होणार आहे. त्यानंतर रात्री ८ वाजता उपस्थित शिवप्रेमी आणि ग्रामस्थांसाठी ‘शिवप्रसाद’ वाटपाचा कार्यक्रम पार पडेल. उत्सवाचे खास आकर्षण म्हणजे रात्री ९ वाजता होणारा भव्य भजनाचा कार्यक्रम, ज्यामध्ये स्थानिक कलाकार आपली कला सादर करणार आहेत.
निमंत्रक दिलीप राघो राऊळ यांनी या मंगलप्रसंगी सर्व शिवप्रेमी, हितचिंतक आणि ग्रामस्थांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन केले आहे. या कार्यक्रमामुळे गावठणवाडी परिसरात सध्या शिवमय आणि आनंदाचे वातावरण निर्माण झाले आहे.