अजय गोंदावळे व पूजा आरवारी यांच्या प्रचाराला जनतेचा प्रचंड पाठिंबा
सावंतवाडी दि.२१: शहरातील प्रभाग क्रमांक नऊमध्ये शिंदे शिवसेनेचे उमेदवार अजय गोंदावळे आणि पूजा आरवारी यांनी आपला प्रचार झंजावाती वेगाने सुरू केला आहे. त्यांच्या कार्यकर्त्यांच्या अथक प्रयत्नातून जवळपास ९०% घरांमध्ये शिंदे शिवसेनेचा ‘धनुष्यबाण’ पोहोचविण्यात हे दोन्ही उमेदवार यशस्वी झाले आहेत.
या उमेदवारांना कार्यकर्त्यांची साथ, जनतेचा प्रचंड पाठिंबा आणि आशीर्वाद मिळत आहे. श्री. गोंदावळे यांनी या प्रचारादरम्यान बोलताना आपला आशावाद व्यक्त केला. “या प्रभागातून नगराध्यक्ष पदाच्या उमेदवार अँड. नीता सावंत-कविटकर यांना मोठे मताधिक्य देण्याबरोबरच, माझ्यासह सहकारी उमेदवार पूजा आरवारी यांनाही प्रचंड मतांनी विजयी करू,” असा विश्वास त्यांनी व्यक्त केला.
प्रभाग क्रमांक नऊच्या निवडणुकीत अजय गोंदावळे आणि पूजा आरवारी यांनी शिवसेनेच्या माध्यमातून जोरदार उडी घेतली आहे. त्यांची उमेदवारी जाहीर होताच कार्यकर्त्यांनी त्यांच्या प्रचारावर पूर्ण लक्ष केंद्रित केले आहे. खुद्द श्री. गोंदावळे आणि सौ. आरवारी यांनी कार्यकर्त्यांसमवेत मतदारांपर्यंत ‘विकासाचे व्हिजन’ पोहोचविले आहे.
या प्रयत्नांमुळे दोघांच्याही कामावर आणि विकासाच्या व्हिजनावर लोकांना मोठा विश्वास वाटू लागला आहे, ज्यामुळे त्यांना जनतेचा प्रचंड पाठिंबा मिळत आहे.
जनतेच्या समस्यांसाठी कटिबद्ध
यावेळी श्री. गोंदावळे यांनी मतदारांना आवाहन करताना सांगितले, “जनतेने माझ्यावर विश्वास ठेवावा. तुमच्या समस्या याच माझ्या समस्या समजून भविष्यात त्या सोडवण्यासाठी मी आमदार दीपक केसरकर यांच्या माध्यमातून काम करणार आहे.”
तसेच, “या ठिकाणी नगराध्यक्षपदाच्या उमेदवारासह (अँड. नीता सावंत-कविटकर) दोन्ही उमेदवारांना जनतेने धनुष्यबाण या चिन्हासमोरील बटन दाबून विजयी करावे,” असे आवाहन त्यांनी केले.
