जिल्हा संयोजक संदिप गावडे आणि भारतीय जनता पार्टीचे आयोजन
सावंतवाडी,दि.१२: हर घर तिरंगा या अभियान अंतर्गत आयोजित करण्यात आलेल्या तिरंगा यात्रेमध्ये आज सावंतवाडी करांचा मोठ्या संख्येने सहभाग दिसून आला. जिल्हा संयोजक संदिप गावडे आणि भाजपा सावंतवाडी तसेच आंबोली मंडल यांनी या यात्रेचे आयोजन केलेले होते. सर्व समावेशक तसेच राष्ट्र प्रेमाचे प्रतीक म्हणून या यात्रेचे आयोजन करण्यात आलेले होते.
या यात्रेमध्ये सावंतवाडी तालुक्यातील विद्यार्थी , एनसीसी कॅडेट्स, महिला, डॉक्टर, पत्रकार,व्यापारी, तसेच तालुक्यातिल असंख्य नागरिक यांची उपस्थिती मोठ्या संख्येने दिसून आली. सावंतवाडीकरांच्या मनात असलेल्या राष्ट्रप्रेमाची प्रचिती यावेळी दिसून आली. जिल्ह्यातील आकर्षक व भव्य अशी तिरंगा यात्रा निघाली अशी उपस्थितांची प्रतिक्रिया यावेळी होती. या तिरंगा यात्रेला जिल्हाध्यक्ष प्रभाकर सावंत, जिल्हा बँक उपाध्यक्ष अतुल कळसेकर, जिल्हा समन्वयक संदिप गावडे, मंडल अध्यक्ष सुधीर आडिवरेकर, मनोज नाईक, आदी मान्यवर उपस्थित होते.
